قازاقستان • 02 شىلدە، 2022

قازاقستان-ليۋكسەمبۋرگ ديپلوماتيالىق قاتىناسىنا 30 جىل تولدى

30 رەت كورسەتىلدى

2022 جىلعى 29 ماۋسىمدا قازاقستان رەسپۋبليكاسى مەن ليۋكسەمبۋرگ ۇلى گەرتسوگتىگى ەكىجاقتى قارىم-قاتىناستاردىڭ ماڭىزدى سيمۆولدىق كۇنى – ەكى ەل اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىن اتاپ وتۋدە، دەپ حابارلايدى Egemen.kz.

وتكەن ءۇش ونجىلدىقتا نۇر-سۇلتان مەن ليۋكسەمبۋرگ اراسىندا ءوزارا قۇرمەتكە، سەنىمگە جانە ءوزارا ءتيىمدى ىنتىماقتاستىققا نەگىزدەلگەن بەرىك تە سىندارلى قاتىناس ورنادى. وسىناۋ ارىپتەستىك زاڭ ۇستەمدىگى، بەيبىتشىلىككە جاردەمدەسۋ، ادام قۇقىقتارىن قورعاۋ جانە دەموكراتيالىق ينستيتۋتتاردى نىعايتۋ سياقتى ورتاق قۇندىلىقتار مەن قاعيداتتارعا نەگىزدەلدى.

ليۋكسەمبۋرگ پرەمەر-ءمينيسترى كساۆە بەتتەل مىرزانىڭ 2015 جانە 2017 جىلدارى قازاقستانعا جاساعان ساپارلارىن قوسا العانداعى وسى كەزەڭ ىشىندە وتكىزىلگەن ساياسي كەزدەسۋلەر وزەكتى حالىقارالىق ماسەلەلەر بويىنشا ىنتىماقتاستىقتى نىعايتۋ مەن كەڭەيتۋگە جانە ۇستانىمداردى ۇيلەستىرۋگە ەكىجاقتى فورماتتا دا، كوپجاقتى فورۋمداردا دا ەلەۋلى دارەجەدە ىقپال ەتتى.

قازاقستان مەن ليۋكسەمبۋرگ پارلامەنتتەرىندە قۇرىلعان «دوستىق توپتارى» ەكىجاقتى سەرىكتەستىكتە ماڭىزدى رولگە يە. پارلامەنتارالىق ديالوگ پەن ساپارلار ەكىجاقتى جانە كوپجاقتى، ونىڭ ىشىندە ەقىۇ پارلامەنتتىك اسسامبلەياسى قىزمەتى شەڭبەرىندەگى، سونداي-اق «قازاقستان – ەۋروپا كەڭەسىنىڭ پارلامەنتتىك اسسامبلەياسى» فورماتىنداعى ىنتىماقتاستىقتى نىعايتتى.

قازاقستان مەن ليۋكسەمبۋرگ اراسىنداعى بايلانىستاردىڭ كەڭەيۋى ساۋدا جانە ينۆەستيتسيالىق مۇمكىندىكتەردىڭ، سونداي-اق عىلىمي-تەحنيكالىق ارىپتەستىكتىڭ ودان ءارى وسۋىنە ىقپال ەتەدى. قازاقستانداعى «بەنيليۋكس» ساۋدا پالاتاسى مەن قۇرمەتتى كونسۋلدار ينستيتۋتىنىڭ قىزمەتى ەكونوميكالىق ىنتىماقتاستىقتى ارتتىرۋ مەن زامانۋي وزەكتى ماسەلەلەردى شەشۋگە باعىتتالعان. تاراپتار ليۋكسەمبۋرگ الەمدىك كوشباسشىلاردىڭ ءبىرى بولىپ تانىلاتىن قارجى، جوعارى تەحنولوگيالار، عارىش ونەركاسىبى، تسيفرلاندىرۋ سالالارىنداعى ەكونوميكالىق ىنتىماقتاستىققا، سونداي-اق تۇراقتى جانە «جاسىل» دامۋ سالاسىنداعى ىنتىماقتاستىققا باسا نازار اۋدارادى.

تاراپتار قوس مەملەكەتتىڭ مادەني جانە ءبىلىم بەرۋدەگى بايلانىستارىن كەڭەيتۋ ءۇشىن ەلەۋلى كۇش-جىگەر جۇمساۋدا. 2020 جىلى ليۋكسەمبۋرگتە قازاق حالقىنىڭ ويشىلى، ۇلى اقىن ابايدىڭ 175 جىلدىعىنا ارنالعان ءىس-شارالار ءوتتى.

بۇگىندە ديپلوماتيالىق قاتىناستاردىڭ 30 جىلدىعىن اتاپ ءوتۋ اياسىندا تاراپتار سەنىمدى ديالوگ پەن ارىپتەستىك رۋحىن نىعايتۋعا بار كۇش-جىگەرىن سالۋعا نيەتتى.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

ۇقساس جاڭالىقتار