قوعام • 01 شىلدە، 2022

ورتالىق ازيا ەلدەرى ىنتىماقتاستىق تۋرالى شارتقا قول قويادى

31 رەت كورسەتىلدى

ورتالىق ازيا ەلدەرى ءححى عاسىردا ايماقتى دامىتۋ ماقساتىندا دوستىق، تاتۋ كورشىلىك جانە ىنتىماقتاستىق تۋرالى شارتقا قول قويادى، دەپ حابارلايدى Egemen.kz.

بۇل تۋرالى «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى حالىقارالىق كونفەرەنتسيا بارىسىندا قر سىرتقى ىستەر ءمينيسترى مۇحتار تىلەۋبەردى ايتتى.

«قىتاي ازياداعى باستى سەرىكتەسىمىز بولىپ قالا بەرەدى. ءبىز ساۋدا ىنتىماقتاستىعى ءۇشىن ۇلكەن الەۋەت كورىپ وتىرمىز جانە قازاقستاندىق ونىمدەردىڭ ەكسپورتىن ارتتىرۋعا مۇددەلىمىز. ەۋرازيالىق ينتەگراتسيا مەن «بەلدەۋ جانە جول» باستاماسىن تۇيىندەستىرۋ ينفراقۇرىلىمدىق ءوزارا بايلانىستى نىعايتۋعا جانە تۇراقتى ءوسۋدى قامتاماسىز ەتۋگە سەپتىگىن تيگىزەدى دەپ كۇتەمىز»، دەدى مينيستر.

ونىڭ اتاپ وتۋىنشە، قازاقستان شانحاي ىنتىماقتاستىق ۇيىمىنا مۇشە مەملەكەتتەر اراسىنداعى ءوزارا ءىس-قيمىلدىڭ بارلىق سالاسىنداعى ىنتىماقتاستىقتى تەرەڭدەتۋگە بەكىنىپ، 2023-2024 جىلدارداعى توراعالىعى اياسىندا ءتيىستى ۇسىنىستار دايىنداپ جاتىر.

«سىرتقى ساياساتىمىزدىڭ ەڭ ماڭىزدى باسىمدىعى - ورتالىق ازياداعى وڭىرلىك كووپەراتسيانى تەرەڭدەتۋ. قازاقستان ايماقتىڭ ەكونوميكالىق، كولىكتىك-لوگيستيكالىق جانە ينۆەستيتسيالىق الەۋەتىن اشۋ ءۇشىن بىرقاتار باستاما كوتەرىپ وتىر. قازاقستان ديپلوماتياسى كۇش-جىگەرىنىڭ ارقاسىندا ءوزارا ءىس-قيمىلدىڭ نەگىزگى باعىتتارىن قامتيتىن ءححى عاسىردا ورتالىق ازيانى دامىتۋ ماقساتىندا دوستىق، تاتۋ كورشىلىك جانە ىنتىماقتاستىق تۋرالى شارتقا قول قويۋ تۋرالى كەلىسىمگە قول جەتكىزىلدى»، دەدى مۇحتار تىلەۋبەردى.

ايانا توعانبەك

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار