ونەر • 29 ماۋسىم، 2022

ءۇش ۇنسىزدىك

18 رەت كورسەتىلدى

كونفۋتسي ۇنسىزدىكتى ەشقاشان ساتپايتىن ادال دوسقا تەڭەيدى. كوپىرگەن كوپ ءسوز تىنىشتىقتىڭ بەرەكەسىن الادى. ال ۇنسىزدىكتى سەيىلتكىڭىز كەلسە، اقىلدى اڭگىمە ايتىڭىز. تابيعات دۇنيەسى تىم-تىرىس، مەڭىرەۋ قالىپتا جانىڭا جىلۋ قۇيادى. ۋ-شۋدان جالىققان ساتتە سامال جەلمەن تەربەلگەن اعاش جاپىراقتارىنىڭ سىبدىرىنا قۇلاق تۇرسەڭىز، كوڭىلىڭىز گۇلدەيدى. دەسە دە ۇزاق وي ۇستىندەگى قوعامنىڭ ۇنسىزدىگىنەن قورقۋ قاجەت.

جىم-جىرت ويىنىن بىلە­سىز بە؟ بىرەۋ ك ۇلىپ، نە سوي­لەسە ايىپقا تارتادى. جاس سۋ­رەتشى نۇربول نۇراحمەتتىڭ «اس بولمە» كارتيناسىنداعى كەيىپ­كەرلەر سول ويىندى ويناپ وتىرعان سەكىلدى. مۇنداعى ادامدار كەشكى اس ىشۋگە ەمەس، لەوناردو دا ءۆينچيدىڭ «قۇپيا جيىنىنداعىداي» الدەبىر جۇمباقتىڭ شەشىمىن تاپپاي ىشتەي الاسۇرىپ، ءۇن-ءتۇنسىز ەزىلۋدە. دوڭگەلەنە قۇرالعان كومپوزيتسيادا ۇستەل باسىندا الدەنەنىڭ كۇرمەۋىن شەشە الماي وتىرعان ەر ادامدار بەينەلەنگەن. جاس جىگىتتەردىڭ جارتىلاي جالاڭاش بەرىلۋى جەكە كەڭىستىكتىڭ، وزدەرىنە ءتان شاعىن الەمىنىڭ كورىنىسى.

شىعارمادا ەلدەگى اۋما­لى-توكپەلى وقيعالارعا قو­عام­نىڭ جەكە كوزقاراسى سۋرەت­­تەلگەن. اۆتوردى تول­عان­­­دىرعان ماسەلەنىڭ ءبىرى – جاي­باراقاتتىلىق. داستارقان باسىندا ايتىلعان اڭگىمەنىڭ ەش ماڭىزعا يە ەمەس ەكەنىن، اس بولمەدە باتىر بولۋعا اۋەس جاس­تاردىڭ ارەكەتى انىق باي­­قالادى. ءۇش جىگىت ءبىر-بىرىمەن ءۇنسىز، بەينەبىر ىشتەي تىل­دەسەتىندەي. تۋىندىداعى ەكى كەيىپكەر ارتقى جاعىنان، تۋ سىرتىنان الىنىپ جازىلسا، ال ءۇشىنشىسى باسىن تومەن يگەن كەيىپتە. بۇلاردىڭ ەشقايسىسى كورەرمەنمەن ديالوگقا تۇس­پەيدى.

كومپوزيتسياداعى ءۇش جىگىت تە ءبىر كەڭىستىكتە وتىر، بىراق ارقايسىسى – جالعىز. ءۇش ءتۇرلى كوڭىل كۇيدىڭ لەبى ەسەدى. ءبىرىنىڭ – ىسكە دايىندىعى بايقالسا، ءبىرىنىڭ – نوۋتبۋك ارقىلى وزگە كەڭىستىكتەگى اداممەن تىلدەسۋ ءساتى بەرىلگەن. ءۇشىنشىسىنىڭ مازاسىزدىعى انىق كورىنىپ تۇر. مۇنى جاس جىگىت دەنەسىنىڭ وعاش ورنالاسۋىنان-اق اڭدايمىز.

«اس بولمە» تۋىندىسىن­داعى بولمەنىڭ قارا فونىندا اشىق ءتۇستى دەتالدار انىق كورىنەدى. ال داستارقان ۇستەل ۇستىنە توسەلمەي، ءىلىنىپ تۇرعان سەكىلدى اسەر قالدىرادى. ايتسە دە جاعالاي وتىرعان كەيىپكەرلەر قولدارىن ۇستەل ۇس­تىنە تىرەگەن. مۇنداعى نا­تيۋر­مورت ەلەمەنتتەرىنە قا­تاڭدىق ءتان. ولار قاراپايىم ءارى سيمۆوليكالى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار