سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتى حابارلاعانداي, وقيعا 14 اقپاندا پەتروپاۆل قالاسىندا بولعان. ماس كۇيدەگى ەر ادام «102» ارناسىنا تەلەفون شالىپ, زاۆودسكايا كوشەسىندەگى ءۇيدىڭ پودەزىندە جارىلعىش زات قويىلعانى تۋرالى ايتقان.
وقيعا ورنىنا پاترۋلدىك پوليتسيا باتالونىنىڭ قىزمەتكەرلەرى, جارعىش تەحنيكتەر مەن باسقا دا شۇعىل قىزمەتتەردىڭ وكىلدەرى كەلىپ جەتتى. ءتارتىپ ساقشىلارى ءۇيدىڭ جانىندا ماس كۇيدە جۇرگەن ەر ادامدى ۇستادى. تەكسەرۋ بارىسىندا جارىلعىش زات تابىلعان جوق.
بۇل فاكتى بويىنشا قر قىلمىستىق كودەكسىنىڭ «تەرروريزم اكتىسى تۋرالى كورىنەۋ جالعان حابارلاۋ» 273-بابىمەن سوتقا دەيىنگى تەرگەۋ باستالدى.
پەتروپاۆل قالالىق سوتى ەر ادامدى ءبىر جىل مەرزىمگە باس بوستاندىعىنان ايىرۋ تۇرىندەگى جازا تاعايىنداۋعا ۇكىم شىعاردى.
«ەر ادامنىڭ زاڭسىز ارەكەتى قالالىقتاردىڭ تىنىشىن الىپ, دەمالىسىنىڭ شىرقىن بۇزدى. وسىنداي وقيعالار مەنشىك يەلەرىنە ماتەريالدىق شىعىن كەلتىرە وتىرىپ, ارنايى قىزمەتتەردىڭ جۇمىسىنا ءجيى كەدەرگى جاسايدى, ادامداردىڭ مازاسىن الادى, عيماراتتاردى تەكسەرۋ ءۇشىن تۇرعىنداردى ەۆاكۋاتسيالاۋعا تۋرا كەلەدى. «تەلەفون تەرروريزمى» ءۇشىن قر قك 273-بابىنىڭ سانكتسياسىنا سايكەس ءىرى كولەمدەگى ايىپپۇل مەن 5 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەنىن ەستەن شىعارماعان ءجون», دەدى سقو پد ەكسترەميزمگە قارسى ءىس-قيمىل باسقارماسىنىڭ باستىعى رۋسلان جاراسباەۆ.
