سقو-دا جەر ماسەلەسىنە قاتىستى ءوڭىردىڭ ۆەدومستۆوارالىق كىشى توبىنىڭ كەزەكتى وتىرىسى ءوتىپ, اتقارىلىپ جاتقان جۇمىستارعا ەسەپ بەرىلدى.
جىل باسىنان بەرى اۋىل شارۋاشىلىعى ماقساتىنداعى 140,2 مىڭ گەكتار القاپ بويىنشا 30 تەكسەرۋ جۇرگىزىلدى. تەكسەرۋ ناتيجەسىندە 80 مىڭ گەكتار جەرگە قاتىستى 22 زاڭبۇزۋشىلىق انىقتالدى. زاڭبۇزۋشىلىقتاردى جويۋ تۋرالى 22 نۇسقاما بەرىلدى, ول 20 ەسە ۇلعايتىلعان سالىق مولشەرلەمەسىن قولدانۋ ءۇشىن سقو مەملەكەتتىك كىرىستەر دەپارتامەنتىنە جولداندى.
بيىل بۇعان دەيىن زاڭسىز تاراتىلعان جانە بوس جاتقان 58,8 مىڭ گەكتار القاپ اۋىل شارۋاشىلىعى جەرلەرى مەملەكەتتىك مەنشىككە قايتارىلدى. قازىرگى ۋاقىتتا ءوڭىردىڭ سوتتارىندا جەرگە قاتىستى 16 تالاپ ارىز قارالىپ جاتىر.
مۇنداعى باستى ماقسات - ەل زاڭناماسىن بۇزا وتىرىپ جالعا بەرىلگەن جالپى اۋماعى 4,1 مىڭ گا جەر ۋچاسكەسىنە قاتىستى شارتتاردى جارامسىز دەپ تانۋ.
