«بۇقارالىق اقپارات قۇرالدارىنا انىقتامالىق ماتەريالداردى ۋاقىتىلى ۇسىنۋ كەرەك. تەك سوندا عانا قوعام قاراپايىم حالىققا ارنالعان يگى ىستەردىڭ قالاي جاسالىپ جاتقانىن كورە الادى. مەملەكەتتىك ورگانداردىڭ رەسمي وكىلدەرى, ءباسپاسوز حاتشىلارى رەسمي حابارلاردى بەرۋدىڭ جاڭا فورماتىنا كوشۋ كەرەك دەپ سانايمىن. كاسىبي, قۇرعاق تىلدە جازىلعان پرەسس رەليزدەردى تاراتۋمەن عانا شەكتەلىپ قالۋعا بولمايدى», دەدى ءاليحان سمايىلوۆ بۇگىنگى ۇكىمەت وتىرىسى بارىسىندا.
ۇكىمەت باسشىسى بريفينگتەر مەن سايتتاردان باسقا مەملەكەتتىك ورگاننىڭ قىزمەتىن الەۋمەتتىك جەلىلەردە بەلسەندى جاريالاپ, حالىقتىڭ سۇراقتارىنا تۇراقتى تۇردە جاۋاپ بەرۋ قاجەتتىگىن قاداپ ايتتى.
«اقپارات جانە قوعامدىق دامۋ مينيسترلىگى وسى باعىتتا بارلىق مەملەكەتتىك ورگانداردىڭ جۇمىسىن ۇيلەستىرىپ, وعان تۇراقتى مونيتورينگ جۇرگىزىپ وتىرۋى جانە قولداۋ كورسەتۋ ءتيىس», دەدى پرەمەر-مينيستر.
بۇل رەتتە اتالعان جۇمىستاردى ۇيلەستىر ەرالى توعجانوۆقا جۇكتەلدى.
