قر-داعى قحر ەلشىلىگىنىڭ رەسمي سايتىندا وسىعان بايلانىستى پتر-تەست تاپسىرۋ بويىنشا وزگەرىستەر ەنگىزىلەتىنى اتاپ وتىلگەن.
-
ۇشۋعا دەيىنگى 48 ساعات ىشىندە ەكى پتر-تەست تاپسىرۋ مىندەتتى. ەكىنشى پتر-تەستتى ۇشۋعا دەيىنگى 24 ساعات ىشىندە تاپسىرۋ كەرەك. ۋاقىت ساناعى بيوماتەريالدى الۋ ساتىنەن باستالادى. پتر-تەستىلەر ەلشىلىك پەن باس كونسۋلدىق تاعايىنداعان ەكى ءتۇرلى زەرتحانالارعا تاپسىرىلۋى كەرەك.
-
ۇشۋعا دەيىنگى 12 ساعات ىشىندە انتيگەنگە قوسىمشا تەست تاپسىرۋ مىندەتتى. ۋاقىت ساناعى بيوماتەريالدى الۋ ساتىنەن باستالادى. الىنعان تەست ناتيجەسىن ەلشىلىككە نەمەسە باس كونسۋلدىققا تەكسەرۋگە جىبەرۋدىڭ قاجەتى جوق, ونى رەيسكە تىركەلۋ كەزىندە اۋە كومپانياسى قىزمەتكەرىنە كورسەتۋ كەرەك.
-
رەيسكە تىركەۋدەن ءوتۋ كەزىندە اۋە كومپانياسى قىزمەتكەرىنە «كوك دەنساۋلىق كودى» ءموبيلدى قوسىمشاسى ارقىلى اشىق (الدىن الا تۇسىرىلگەن سكرينشوت قابىلدانبايدى) جانە انتيگەنگە تەستتىڭ تەرىس ناتيجەسى بار انىقتامانى (قاعاز نەمەسە ەلەكتروندىق تۇردە) كورسەتۋ قاجەت.
-
جولاۋشىلار قىتايعا ۇشار الدىندا قازاقستاندا ءوزىن-ءوزى 10 كۇن وقشاۋلاپ, ءوز دەنساۋلىعىن ءوز بەتىنشە باقىلاپ, ءتيىستى كەپىل حاتقا قول قويۋى ءتيىس.
-
ەلشىلىك پەن باس كونسۋلدىق 1 شىلدەدەن باستاپ قىتاي مەن قازاقستان اراسىنداعى ءۇشىنشى ەل ارقىلى قازاقستاننان قىتايعا ترانزيتتىك رەيسپەن جۇرەتىن جولاۋشىلاردان دەنساۋلىق كودىن الۋ ءۇشىن ءوتىنىش قابىلداۋدى توقتاتادى.
-
تىكەلەي اۋە قاتىناسى قالپىنا كەلتىرىلگەننەن كەيىن ەلشىلىك پەن باس كونسۋلدىق قازاقستان ارقىلى ءۇشىنشى ەلدەن قىتايعا ترانزيتتىك رەيسپەن بارا جاتقان جولاۋشىلاردان دەنساۋلىق كودىن الۋعا ءوتىنىشتى ۋاقىتشا قابىلدامايتىن بولادى.
ايانا توعانبەك
