ۇكىمەت • 25 ماۋسىم، 2022

ۇكىمەت باسشىسى قانت باعاسىن رەتتەۋدى تاپسىردى

38 رەت كورسەتىلدى

بۇگىن ۇكىمەتتىڭ تسيفرلىق كەڭسەسىندە قازاقستان پرەمەر-ءمينيسترى ءاليحان سمايىلوۆ الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) باعاسىن ۇستاپ تۇرۋ ماسەلەلەرى جونىندە كەڭەس وتكىزدى، دەپ حابارلايدى Egemen.kz پرەمەر-ءمينيستردىڭ رەسمي سايتىنا سىلتەمە جاساپ.

قازىرگى احۋال جانە باعانى تۇراقتاندىرۋ بويىنشا قابىلدانىپ جاتقان شارالار تۋرالى قر ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى ەرجان قازانباەۆ باياندادى.

ي

ماسەلەن، جىل باسىنان بەرى باعا 17،1%-عا وسكەن. اتاپ ايتقاندا، پياز، قىرىققابات، قانت، كارتوپ، ءسابىز، قاراقۇمىق باعاسى ەڭ كوپ كوتەرىلگەن. وڭىرلەر بويىنشا باعا جامبىل جانە ماڭعىستاۋ وبلىستارىندا 18،7%-عا، الماتى وبلىسىندا 18،6%-عا، نۇر-سۇلتان جانە الماتى قالالارىندا 18،5%-عا جانە شىمكەنت قالاسىندا 18%-عا وسكەن، بۇل – وڭىرلەر بويىنشا باعانىڭ ەڭ كوپ كوتەرىلۋى.

ۋ

سونىمەن قاتار كەڭەس بارىسىندا جاقىن شەتەل نارىقتارىنداعى ازىق-ت ۇلىك تاۋارلارى باعاسىنىڭ ءوسۋى بويىنشا جاعدايدىڭ دا وسىنداي ەكەنى اتاپ ءوتىلدى. ماسەلەن، رەسەيدە جىل باسىنان بەرى ازىق-ت ۇلىك باعاسىنىڭ ورتاشا ءوسۋى شامامەن 40%، وزبەكستاندا 48% بولدى.

سالالىق كوميتەت بولشەك ساۋدا نىساندارىنىڭ رۇقسات ەتىلگەن ۇستەمەنى 15%-دان اسپايتىن مولشەردە ساقتاۋ تالاپتارى بويىنشا اكىمدىكتەردىڭ جۇمىسىن ۇيلەستىرۋدى جالعاستىرىپ كەلەدى. سوڭعى اپتالاردا رەيدتىك ءىس-شارالارمەن ءۇي جانىنداعى 42،6 مىڭ دۇكەن (84،7%) قامتىلدى. ناتيجەسىندە 712 بۇزۋشىلىق انىقتالدى، ولار بويىنشا قاجەتتى شارالار قابىلداندى.

ۇسىنىلعان شارالار رەتىندە ە. قازانباەۆ ساۋدا ۇستەمەسىن ارتتىرۋ فاكتىلەرىن انىقتاۋ جانە زاڭنامادا كوزدەلگەن شارالاردى قابىلداۋ ءۇشىن مونوپولياعا قارسى ورگاندار مەن جاو-عا ەلەكتروندىق شوت-فاكتۋرالاردىڭ دەرەكتەرىن جىبەرۋگە مۇمكىندىك بەرەتىن مەملەكەتتىك ورگانداردىڭ بىرلەسكەن بۇيرىعىن ازىرلەۋدى ۇسىندى.

اۋىل شارۋاشىلىعى مينيسترلىگىنىڭ دەرەكتەرى بويىنشا، قازىرگى ۋاقىتتا ەلىمىزدە سيىر ەتىن (22 292 توننا)، قۇس ەتىن (19 600 توننا)، كارتوپتى (93 749 توننا)، ۇندى (118 506 توننا)، ءسۇتتى (59 640 توننا) جانە ت.ب. قوسا العاندا، 607 مىڭ توننا كولەمىندە نەگىزگى ازىق-ت ۇلىك قورى بار.

ي

قانتقا كەلەتىن بولساق، رەسپۋبليكا بويىنشا ءونىمنىڭ جالپى قورى 101،4 مىڭ توننانى قۇرايدى، بيىلعى ماۋسىمدا ىشكى تۇتىنۋ 59 مىڭ توننا بولدى، ياعني نارىقتىڭ قامتاماسىز ەتىلۋى – 171،4%، دەپ سەندىردى اۋىل شارۋاشىلىعى ۆيتسە-ءمينيسترى.

ءوز كەزەگىندە ءاليحان سمايىلوۆ 15 پايىزدىق ساۋدا ۇستەمەسىن، اسىرەسە ءۇي جانىنداعى دۇكەندەردەگى باقىلاۋ جۇمىستارىن كۇشەيتۋ قاجەتتىگىن اتاپ ءوتتى.

ف

«اۋىل شارۋاشىلىعى مينيسترلىگىنىڭ دەرەكتەرىنە سايكەس، قانت قورى 100 مىڭ توننادان اسادى، ال ايىنا تۇتىنۋ 59 مىڭ توننانى قۇرايدى. بۇل – جەتكىلىكتى مولشەر. بىراق ءۇي جانىنداعى دۇكەندەردە قانت 700-800 تەڭگەدەن ساتىلادى. بۇل – سۇرانىستى پايدالانىپ، ۇستەمە اقى قويىپ وتىرعان جەكە تۇلعالاردىڭ زاڭسىز كاسىپكەرلىك قىزمەتىنىڭ ناتيجەسى. جالپى قانتتىڭ ورتاشا باعاسى شامامەن 480-490 تەڭگە/كگ بولۋى ءتيىس. مۇنى رەتكە كەلتىرۋ كەرەك»، — دەپ تاپسىردى ۇكىمەت باسشىسى.

ودان بولەك، پرەمەر-مينيستر كەلەسى جىلى جەمىس-كوكونىس ونىمدەرىن جەتكىزۋگە فورۆاردتىق كەلىسىمشارتتار جاساسۋ بويىنشا الدىن الا جۇمىس جۇرگىزۋدىڭ ماڭىزدىلىعىن اتاپ ءوتتى، سونداي-اق سونداي-اق الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ بويىنشا بىرقاتار تاپسىرمالار بەردى.

ايانا توعانبەك

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار