قازاقستان • 24 ماۋسىم، 2022

ارسەلورميتتال تەمىرتاۋداعى اپاتقا جۇمىس بەرۋشى كىنالى - كوميسسيا

26 رەت كورسەتىلدى

مەملەكەتتىك كوميسسيا ءتورت جۇمىسشى قازا تاپقان «ارسەلورميتتال تەمىرتاۋ» اق-داعى جازاتايىم وقيعانىڭ سەبەپتەرىن اتادى. وقيعا جۇمىس بەرۋشىنىڭ كىناسىنەن بولعانى انىقتالدى، دەپ حابارلايدى Egemen.kz.

«ساراپتامالىق ۇيىمدار اپاتقا سەبەپ بولۋى مۇمكىن اقاۋلار مەن زاقىمدانۋلاردى انىقتادى. سونداي-اق تاپسىرىس بەرۋشى «قۇرىلىسمەت» پەن مەردىگەر «ارسەلورميتتال تەمىرتاۋ» قۇرىلىس-مونتاجداۋ جۇمىستارىن جۇرگىزۋ قاۋىپسىزدىگىن قامتاماسىز ەتپەگەنى بەلگىلى بولدى. جوبالاۋ قۇجاتتاماسى بەكىتىلمەگەن. ءوندىرىس جوباسى مەن پەشتى بولشەكتەۋدىڭ تەحنولوگيالىق كارتاسى ساراپتامالىق كوميسسيالاردىڭ قاراۋىنا ۇسىنىلماعان. ارنايى تەرگەۋ قورىتىندىسى بويىنشا كوميسسيا جۇمىس بەرۋشىنىڭ ءجۇز پايىز كىناسىن انىقتادى»، دەدى مەملەكەتتىك كوميسسيا توراعاسى.

قاراعاندى وبلىسى بويىنشا باس مەملەكەتتىك ەڭبەك ينسپەكتورى يرينا ليۋبارسكايا وڭىرلىك كوممۋنيكاتسيالار قىزمەتىندە وتكەن بريفينگىدە. تەرگەۋ كوميسسياسىنا جەرگىلىكتى اتقارۋشى ورگانداردىڭ، كاسىپوداقتىڭ، جۇمىس بەرۋشىنىڭ وكىلدەرى جانە ساراپتاما ۇيىمدارى كىردى. كوميسسيا ەكى اپتاعا جۋىق ۋاقىت ىشىندە وقيعا ورنىن تەكسەردى، تەحنيكالىق جانە نورماتيۆتىك قۇجاتتاردى زەرتتەدى، قاتىسى بار ادامدارمەن، كۋاگەرلەرمەن سۇحباتتاستى.

انىقتالعانىنداي، جۇمىسشىلار جەتكىلىكتى دارەجەدە بىلىكتى، ياعني 5 جانە 6-رازريادتارى بولعان. بىراق ولار ءۇش كۇن قاتارىنان اۋىسىمسىز دەمونتاج جاساعان. قايعىلى وقيعا جوندەۋ جۇمىسىنىڭ اياقتالۋىنا 25% قالعاندا، ياعني سوڭعى كۇنى بولعان. تەرگەۋ بارىسىندا 32 ادام سۇراۋعا الىندى. 14 كۇدىكتى انىقتالدى، ونىڭ ىشىندە باسشىلىق قۇرام دا بار. ەندى ماتەريالداردىڭ كوشىرمەلەرى اۋماقتىق پوليتسيا ورگانىنا جىبەرىلەدى.

ەسكە سالا كەتسەك، 10 ماۋسىمدا «قۇرىلىسمەت» جشس («ارسەلورميتتال تەمىرتاۋ» اق ەنشىلەس كاسىپورنى) ماستەر-پرەسس تسەحىنىڭ جۇمىس ىستەمەيتىن №9 تەرميالىق پەشىندە وتقا ءتوزىمدى قۇرىلىستى بولشەكتەۋ كەزىندە شاتىر وپىرىلىپ قۇلاعان. جوندەۋ تسەحىنىڭ 5 جۇمىسشىسى ءۇيىندى استىندا قالدى. ونىڭ تورتەۋى كوز جۇمىپ، بىرەۋى اۋرۋحاناعا جەتكىزىلدى.

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار