ددۇ ۇيىمىنىڭ سايتىندا ءمالىم ەتىلگەندەي, مايمىل شەشەگىنىڭ ءورشۋى جاھاندىق ماڭىزى بار توتەنشە جاعداي دەپ تانىلدى.
قازىر ينفەكتسيانى جۇقتىرۋ جاعدايلارى 58 ەلدە انىقتالدى, ناۋقاستاردىڭ جالپى سانى 3 400-دەن استى. ينفەكتسيانىڭ تارالۋ قارقىنى اپتا سايىن ارتىپ كەلەدى. ددۇ تەرىس سالداردى ازايتۋ ءۇشىن ۆيرۋس تاراپ جاتقان بارلىق جەردە شۇعىل شارالار قابىلداۋ كەرەكتىگىن اتاپ وتكەن.
ەسكە سالايىق, بۇعان دەيىن دۇنيەجۇزىلىك دەنساۋلىق ساقتاۋ ۇيىمى 23 ماۋسىمدا مايمىل شەشەگىنىڭ ءورشۋىنىڭ جاھاندىق قاۋپىن باعالاۋ ءۇشىن توتەنشە كوميتەت وتىرىسىن شاقىراتىنىن مالىمدەگەن بولاتىن.
ۇيىمنىڭ باس ديرەكتورى تەدروس ادحانوم گەبرەيەسۋستىڭ ايتۋىنشا, مايمىل شەشەگىنىڭ بۇعان دەيىنگى ءورشۋ جاعدايلارىمەن سالىستىرعاندا, ۆيرۋستىڭ بۇل جولعى نۇسقاسىندا ەرەكشەلىكتەر بار. سول سەبەپتى ۆيرۋسولوگتار بۇعان ءجىتى نازار اۋدارۋى ءتيىس.
