ول بوكس كەشىندە ارگەنتينالىق كەۆين ەسپيندولامەن (7-3, 2 كو) جۇدىرىقتاستى. سۋپەراۋىر سالماقتاعى جەكپە-جەك 10 راۋندقا ەسەپتەلىپ, سوڭىنا دەيىن سوزىلدى. جەكپە-جەكتىڭ ناتيجەسىندە يۆان دىچكو تورەشىلەردىڭ ءبىراۋىز شەشىمىمەن جەڭىسكە جەتتى.
يۆان دىچكو وسىلايشا كاسىبي سپورتتاعى 12-جەڭىسىنە قول جەتكىزدى. ول بۇگىنگە دەيىنگى كەزدەسۋلەرىنىڭ ءبارىن مەرزىمىنەن بۇرىن جەڭىسپەن اياقتاعان بولاتىن.
مۇنىڭ الدىندا ول بىلتىر جەلتوقسان ايىندا نۇر-سۇلتان قالاسىندا 45 جاستاعى رەسەيلىك الەكساندر ۋستينوۆپەن (36-6-1, 27 كو) قارسى كۇش سىناستى. ول قارسىلاسىن العاشقى راۋندتا-اق تەحنيكالىق نوكاۋتپەن جەڭدى.
دىچكونىڭ بۇگىنگى قارسىلاسى – كەۆين ەسپيندولا وسىمەن ءتورتىنشى رەت جەڭىلىپ وتىر. ول بيىل ساۋىردە تورەشىلەردىڭ ءبىراۋىز شەشىمىمەن جەرلەسى ناۋەل پالاسيوستادان (1-7, 0 كو) باسىم تۇسكەن بولاتىن.
