وقىس وقيعا 22 ماۋسىمدا ورىن الدى. نۇر-سۇلتان قالاسىندا ابىلايحان داڭعىلى بويىندا قر مەملەكەتتىك كۇزەت قىزمەتى قىزمەتكەرلەرى باقداۋلەت نامياليەۆ پەن فارحات ساتۋوۆ جاۋىنگەرلىك كەزەكشىلىكتەن كەلە جاتقان.
قر مكق قىزمەتكەرلەرى جاس قىزعا شابۋىل جاساپ, كۇش قولدانۋ ارقىلى ءموبيلدى تەلەفونىن تارتىپ الماق بولعان ەر ادامدى بىردەن توقتاتتى.
باقداۋلەت پەن فارحاتتىڭ باتىل ءىس-قيمىلى ارقاسىندا قۇقىق بۇزۋشى ۇستالىپ, وقيعا ورنىنا كەلگەن پوليتسيا قىزمەتكەرلەرىنە تاپسىرىلدى.
كامەلەتتىك جاسقا تولماعان قىزعا پسيحولوگيالىق جانە العاشقى مەديتسينالىق كومەك كورسەتىلدى.
كەيىننەن انىقتالعانداي, ۇستالعان ازامات بۇرىن سوتتالعان بولىپ شىقتى.
اتالعان دەرەككە سايكەس, پوليتسيا قىزمەتكەرلەرى تاراپىنان قر قك 191-بابى 2-ءبولىمىنىڭ 1-تارماعى بويىنشا سوتقا دەيىنگى تەرگەۋ باستالدى.
«مەملەكەتتىك كۇزەت قىزمەتىنىڭ قىزمەتكەرلەرى سانالى ارەكەتىمەن وزدەرىنىڭ باتىلدىعىن, كۇش-جىگەرىن جانە كاسىبي بىلىكتىلىگىن كورسەتتى», قر مكق ءباسپاسوز قىزمەتى
