«الاش ارىسى احمەت بايتۇرسىن ۇلىنىڭ مەرەيتويىنا ارنالعان جوسپارعا سايكەس جانگەلدين اۋدانى تۇرعىندارىنىڭ تۇرمىسىن جانە ءال-اۋقاتىن جاقسارتۋ ماقساتىندا ينفراقۇرىلىمدىق جوبالار ىسكە اسىرىلۋدا. ماسەلەن, جۋىردا عانا اقكول, ا.بايتۇرسىنوۆ اۋىلدارى موبيلدىك ينتەرنەت جەلىسىنە قوسىلدى. بۇل – مەرەيتويعا ازىرلىك بارىسىندا جەرگىلىكتى حالىقتىڭ سۇراعان نەگىزگى وتىنىشتەرىنىڭ ءبىرى بولاتىن. جەرگىلىكتى تۇرعىنداردىڭ سۇراۋى بويىنشا ا.بايتۇرسىن ۇلى اۋىلىنا اپاراتىن جولدىڭ جانە تورعاي وزەنى ارقىلى وتەتىن كوپىردىڭ جوندەۋ جۇمىستارى باستالىپ كەتتى. سونىمەن قاتار ا.بايتۇرسىن ۇلى اۋىلىنا جاڭادان مەديتسينالىق پۋنكت سالىنىپ, اقكولدەگى اۋىلدىق امبۋلاتوريا جوندەۋدەن وتكىزىلەدى. جوسپار اياسىندا تورعاي اۋىلىنداعى «احمەت بايتۇرسىن ۇلى مەن مىرجاقىپ دۋلات ۇلىنىڭ ادەبي مۋزەيىنە» جوندەۋ جانە رەەكسپوزيتسيا جۇمىستارى جۇرگىزىلۋدە», دەدى ءوڭىر اكىمى ورتالىق كوممۋنيكاتسيالار قىزمەتىندە.
ونىڭ ايتۋىنشا, سارىتۇبەك قونىسىنداعى «احمەت بايتۇرسىن ۇلى مۋزەي-ءۇيىن» سالۋ جۇمىستارى قاتاڭ باقىلاۋعا الىندى. بۇگىنگى تاڭدا جاڭا نىساننىڭ جوبالىق سمەتالىق قۇجاتتاماسى ساراپتامادان وتكىزىلۋدە. قۇرىلىس جۇمىستارىنا وبلىس بيۋدجەتى ەسەبىنەن قوسىمشا قاراجات بولىنەدى. كونكۋرستىق ءراسىم ناتيجەسى بويىنشا جاۋاپتى مەردىگەر تابىلسا, ءۇيدىڭ قۇرىلىسىن قىركۇيەككە دەيىن اياقتاۋ جوسپارلانعان.
«جەرگىلىكتى حالىق پەن كاسىپكەرلەردىڭ دەمەۋشىلىگىمەن بايتۇرسىن اۋلەتىنىڭ قورىمى جانىنان كەسەنە سالىنىپ, تورعاي اۋىلىندا احمەت پەن مىرجاقىپ بابالارىمىزدىڭ قۇرمەتىنە جاڭا ەسكەرتكىش ورناتۋ ماسەلەسى پىسىقتالۋدا. بۇدان بولەك مادەني, عىلىمي, تانىمدىق ءىس-شارالار ۇيىمداستىرىلىپ جاتىر. سپەكتاكلدەر قويىلىپ, عىلىمي ەكسپەديتسيا دا ءوز جۇمىسىن باستادى. نەگىزگى مەرەيتويلىق ءىس-شارالار 3-5 قىركۇيەك ارالىعىنا جوسپارلانعان», دەدى ارحيمەد مۇحامبەتوۆ.
