ۇلتتىق سپورت • 21 ماۋسىم، 2022

ساداق اتۋ ورتالىعى اشىلدى

51 رەت كورسەتىلدى

ەلوردانىڭ ماڭايىنداعى اققايىڭ اۋىلىندا ورنالاسقان Qazanat ات سپورتى كلۋبىنىڭ جانىنان بوي كوتەرگەن اشىق اسپان استىنداعى ساداق اتۋ ورتالىعى ءوز جۇمىسىن باستادى. رەسپۋبليكا بويىنشا العاشقىلاردىڭ ءبىرى بولىپ اشىلعان ساداق اتۋ ورتالىعىندا بالالار مەن ەرەسەكتەر ۇلتتىق سپورتىمىزبەن ەركىن اينالىسا الادى.

سۋرەتتى تۇسىرگەن عازيز شاكيروۆ

ءىس-شارانىڭ اشىلۋ سالتاناتىنا بوكستان لوندون وليم­پياداسىنىڭ چەمپيونى سەرىك ساپيەۆ، ۇلتتىق سپورت قاۋىم­داستىعىنىڭ اتقارۋشى ديرەكتورى راحات جاقسىباي، قازاق­ستان ءداستۇرلى ساداق اتۋ فەدەرا­تسياسىنىڭ ۆيتسە-پرەزيدەنتى دياس احمەتوۆ جانە ساداق اتۋ فە­دەراتسياسىنىڭ وكىلدەرى قاتىستى.

جيىندا ءسوز العان دياس اح­مەتوۆ بۇل ورتالىق اتقا ءمىنۋدى جاق­سى كورەتىن ادامدار ءۇشىن تاپتىرماس مۇمكىندىك ەكەنىن ايتادى. سونىمەن قاتار بولاشاقتا بۇل جەردە ات سپورتىن سۇيەر قاۋىمىنىڭ قالاۋىمەن ءداستۇرلى ساداق اتۋ كۋرستارى وتەدى دەيدى.

– ءداستۇرىمىزدى جاڭعىرتىپ، رۋحىمىزدى وياتىپ، اتقا ءمىنىپ، ساداق اتۋعا ماشىقتاناتىن ورتا­لىق بۇگىننەن باستاپ ءوز جۇمى­سىن باستادى. بۇل جەرگە كەلۋ­شىلەرگە تولەم ءۇشىن ارنايى كەستە شىعارىلادى. باعاسى تۇر­عىن­دار ءۇشىن قولجەتىمدى بولادى. ورتالىق اپتانىڭ جۇما، سەنبى جانە جەكسەنبى كۇندەرى حالىققا ىڭعايلى ۋاقىتتا جۇ­مىس ىستەيدى. سونداي-اق ساداق اتۋعا قاتتى قىزىققان، ءجيى كە­لۋدى قالاعان ادامدارعا ارنايى كەستە جاسالادى. بارلىعىن ءوزىمىز­دىڭ الەۋمەتتىك جەلىدەگى پاراق­شا­لارىمىزدا جاريالايمىز. ساداق اتۋ ورتالىعى ازىرشە تەك جاز مەزگىلىندە عانا جۇمىس ىستەيدى. الداعى ۋاقىتتا قىس مەزگىلىندە دە جۇمىس ىستەۋدى كوزدەپ وتىرمىز. ول ءۇشىن ات قورانىڭ ىشىن­دەگى مانەجدە ارنايى ساداق اتۋ ايماعىن ۇيىمداستىرامىز. قىس­تا مانەجدىڭ ىشىنە نىسانالار قويىلىپ، ۇلكەن قاشىقتىقتا دا ساداق اتا الاتىن بولادى، – دەدى دياس احمەتوۆ.

جالپى، ءداستۇرلى ساداق اتۋ سپورتى قازاقستاندا قارقىندى دامىپ كەلەدى. مامانداردىڭ ايتۋىنشا، ساداق اتۋدىڭ پايداسى وتە مول. ول ادامعا رۋح بەرىپ، كوزدىڭ دە كورۋ قابىلەتىن جاق­سارتادى. سونىمەن قاتار ادامدار­دى سابىرلى بولۋعا، ءوزىن-ءوزىن تار­بيەلەۋگە، ادام بويىنا سەنىم­دىلىك ۇيالاتۋعا كومەكتەسەدى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار