سالىق زاڭناماسىنا سايكەس ليمۋزينگە دە قوزعالتقىشتىڭ كولەمىنە قاراي سالىق سالىنادى. ونىڭ كولەمى ايلىق ەسەپتىك كورسەتكىش بويىنشا ەسەپتەلەدى. ءارى كولىك سالىعىنىڭ ستاۆكاسى باستاپقى مەملەكەتتىك تىركەۋدەن وتكەن جانە ەل اۋماعىنا اكەلىنگەن كۇنگە دە بايلانىستى, دەيدى مەملەكەتتىك كىرىستەر كوميتەتى باسقارما باسشىسىنىڭ ورىنباسارى اينۇر سارتاەۆا.
ونىڭ ايتۋىنشا, 2013 جىلعى 31 جەلتوقسانعا دەيىن باستاپقى مەملەكەتتىك تىركەۋدەن وتكەن نەمەسە قازاقستان رەسپۋبليكاسىنىڭ اۋماعىنا اكەلىنگەن, قوزعالتقىش كولەمى 3000 تەكشە سانتيمەتردەن اساتىن ليمۋزيندەرگە مىنا ستاۆكالارمەن سالىق سالىنادى: 3 مىڭنان جوعارى
4 مىڭعا دەيىن قوسا العاندا – 15 اەك, 4 مىڭنان جوعارى – 117 اەك. بيىل ءبىر ايلىق ەسەپتىك كورسەتكىش – 3 063 تەڭگەنى قۇرايدى.
ال 2013 جىلعى 31 جەلتوقساننان كەيىن ەلىمىزدە شىعارىلعان نەمەسە قۇراستىرىلعان جانە وسى اتالعان ۋاقىتتان كەيىن قازاقستان اۋماعىنا كەلگەن, قوزعالتقىش كولەمى 3 مىڭ تەكشە سانتيمەتردەن اساتىن ليمۋزيندەرگە مىنا ستاۆكالارمەن سالىق سالىنادى:
|
3 مىڭنان جوعارى 3 200-ءدى قوسا العاندا |
35 اەك |
|
3 200-دەن جوعارى 3 500-ءدى قوسا العاندا |
46 اەك |
|
3 500-دەن جوعارى 4 مىڭدى قوسا العاندا |
66 اەك |
|
4 مىڭنان جوعارى 5 مىڭدى قوسا العاندا |
130 اەك |
|
5 مىڭنان جوعارى |
200 اەك |
«ليمۋزيندەرگە سالىق ەسەپتەۋدى كولىك قۇرالدارىن ەسەپكە الۋ جانە تىركەۋدى جۇزەگە اسىراتىن ۋاكىلەتتى ورگان جۇرگىزەدى. بۇل نورما 2011 جىلدان باستاپ قولدانىلادى. ەگەر سالىق قاتە ەسەپتەلسە, سالىق ورگانى ەسەپتەلگەن سالىق سوماسىن قايتا قاراۋعا قۇقىلى», دەيدى ا.سارتاەۆا.
سونىمەن قاتار سالىق زاڭناماسىنا سايكەس سالىق ورگانى كولىك قۇرالدارى سالىعى سوماسىن قايتا قاراعان كەزدە سول كەزەڭگە ءوسىمپۇل ەسەپتەلمەيدى, دەيدى سالىق مامانى.
