«2015 جىلدان بەرى ۇلتتىق قوردى بەلسەندى پايدالانىپ كەلەمىز. 2019-2020 جىل تۋرالى ايتىپ وتىرعان جوقپىز. شىنىمەن دە پاندەميامەن بايلانىستى داعدارىسقا قارسى شارالارعا قارجى قاجەت بولدى. بىراق 2021 جىلى جالپى احۋال ايتارلىقتاي جاقساردى», دەگەن كوميتەت باسشىسى.
ونىڭ ايتۋىنشا, وتكەن جىلى بيۋدجەت تە پاندەميا كەزىندەگى ينەرتسيامەن جوسپارلانعان.
«مەملەكەت باسشىسىنىڭ رەسپۋبليكالىق بيۋدجەت ۇلتتىق قوردىڭ قاراجاتىنا ارقا سۇيەمەۋى كەرەكتىگى تۋرالى تاپسىرماسىنا قاراماستان, 2021 جىلى 4,5 ترلن تەڭگە جۇمسالدى. ال بۇل كەزەڭدە ۇلتتىق قورعا 4,3 ترلن تەڭگە عانا كىرىس تۇسكەن», دەدى ناتاليا گودۋنوۆا.
ايتا كەتەيىك, پارلامەنتتىڭ بۇگىنگى بىرلەسكەن وتىرىسىنا بىرلەسكەن وتىرىسقا قر سەنات توراعاسى ماۋلەن اشىمباەۆ, ءماجىلىس توراعاسى ەرلان قوشانوۆ, قر ۇكىمەت باسشىسى ءاليحان سمايىلوۆ, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ناتاليا گودۋنوۆا, ۇكىمەت مۇشەلەرى قاتىسىپ جاتىر.
