پويىز 20 ماۋسىم مەن 2 قاراشا ارالىعىندا ەلىمىزدىڭ 67 شالعاي ستانتسياسىنا بارادى. تىزىمدە الماتى, شىعىس قازاقستان, پاۆلودار, سولتۇستىك قازاقستان, اقمولا, قوستاناي جانە قاراعاندى وبلىستارى, سونداي-اق ءۇش جاڭا وبلىس – جەتىسۋ, اباي جانە ۇلىتاۋ دا بار.
«سالاماتتى قازاقستان» – جوبا بويىنشا ەكىنشى پويىز, سونداي-اق 23 مامىردان باستاپ «جاردەم» مەديتسينالىق پويىزى ەلىمىزدىڭ شالعاي اۋداندارىندا تەگىن مەديتسينالىق كومەك كورسەتە باستادى. «جاردەم» جانە «سالاماتتى قازاقستان» مەديتسينالىق پويىزدارى جالپى سانى 60 000 ادامدى قامتىپ, دارىگەرلەردىڭ قابىلداۋىنا كەلۋ سانى 100 000, دياگنوستيكالىق ەمشارا 18 000, شاعىن حيرۋرگيالىق وپەراتسيا 1 200 بولسا, 8 000 ادامعا ستوماتولوگيالىق كومەك كورسەتىلەدى دەپ كۇتىلىپ وتىر.
«سالاماتتى قازاقستان» مەديتسينالىق پويىزى جاپون جانە نەمىس ءوندىرىسىنىڭ جابدىقتارىمەن قامتىلعان. پويىز كەڭەيتىلگەن جالپى جانە بيوحيميالىق تالداۋلار, رەنتگەنوگرافيا مەن فليۋروگرافيا, ىشكى اعزالار مەن تامىرلاردىڭ ۋدز-زەرتتەۋلەرىن, ەلەكتروكارديوگرامما, گاستروفيبروسكوپيا جانە دياگنوستيكالىق زەرتتەۋلەردىڭ باسقا دا تۇرلەرىن جۇرگىزۋگە مۇمكىندىك بەرەدى. سونىمەن قاتار بيىل ستاموتولوگيالىق قۇرىلعىلار دا جاڭارتىلعان», دەيدى «سالاماتتى قازاقستان» پويىزىنىڭ اعا دارىگەرى ارمان يساينوۆ.
قىزمەتكەرلەر قۇرامى ءارتۇرلى بەيىندەگى بىلىكتى مامانداردان, اتاپ ايتقاندا, تەراپەۆت, پەدياتر, كارديولوگ, نەۆروپاتولوگ, وكۋليست, لور, گينەكولوگ, حيرۋرگ, ۋرولوگ, ماممولوگ, ستوماتولوگ, رەنتگەنولوگ, كارديولوگ, ۋدز دارىگەرى, ەندوسكوپيست, فۋنكتسيونالدىق دياگنوستيكا دارىگەرىنەن تۇرادى. بيىل مەديتسينا ماماندارىنىڭ قۇرامىنا پسيحولوگ جانە دەرماتوۆەنەرولوگ قوسىلدى. جوباعا بارلىعى 36 مامان قاتىسادى. دارىگەرلەردىڭ قىزمەتى حالىققا تەگىن ۇسىنىلادى.
مامانداندىرىلعان مەديتسينالىق پويىز 8 ۆاگوننان تۇرادى. ايتا كەتسەك, ديزەل-گەنەراتور ۆاگونى قاجەت بولعان جاعدايدا توتەنشە جاعداي كەزىندە شاعىن ەلدى مەكەندى ەلەكتر ەنەرگياسىمەن قامتاماسىز ەتە الادى. پويىزدار رەسپۋبليكانىڭ جەتەكشى كلينيكالارىمەن تەلەمەديتسينالىق كونسۋلتاتسيالار جۇرگىزۋ ءۇشىن تەلەفون بايلانىسىمەن, ينتەرنەت جەلىسىمەن جابدىقتالعان.
جوبا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلاي قولداۋىمەن, قر دەنساۋلىق ساقتاۋ مينيسترلىگى قاتىسۋىمەن, «قازاقستان تەمىر جولى» ۇك اق جانىنداعى «الەۋمەتتىك جوبالار قورى» كورپوراتيۆتىك قورىمەن بىرلەسىپ ىسكە اسىرىلىپ جاتىر.
جوبا العاش رەت 2010 جىلى ىسكە قوسىلىپ, 2019 جىلعا دەيىن جىل سايىن ىسكە اسىرىلىپ كەلگەن. بىراق كوروناۆيرۋس ىندەتى كەزىندە جۇمىسىن ۋاقىتشا توقتاتتى. وسى كەزەڭ ىشىندە «دەنساۋلىق», «جاردەم» جانە «سالاماتتى قازاقستان» اتتى ءۇش كونسۋلتاتسيالىق-دياگنوستيكالىق پويىز قازاقستاننىڭ شالعايدا ورنالاسقان 1700-دەن اسا ەلدى مەكەنىن ارالاپ, 488 881 تۇرعىندى تەكسەرۋدەن وتكىزدى, ونىڭ ىشىندە 101 614 بالا بار. دارىگەرلەر 1 647 138 دياگنوستيكالىق ەم-شارا, 11 981 كىشى امبۋلاتوريالىق وپەراتسيا وتكىزدى. ماممولوگ ماماندار 67 148 ايەلدى قابىلداسا, جالپى ادامدار دارىگەردىڭ قابىلداۋىندا 2 873 542 رەت بولدى.
