مارافونعا قازاقستان مەن الەمنىڭ 24 ەلىنەن سپورتشىلارى جينالدى.
تاڭەرتەڭنەن باستاپ ەكسپو الدىنداعى الاڭدا Nur-SultanHalf Marathon قاتىسۋشىلارى باس قوستى. ولار ۇجىمدىق جاتتىعۋلار وتكىزىپ, ءبىر-ءبىرىن جىگەرلەندىردى.
جارىسقا قاتىسۋشىلار 21.1 كم,10 كم جانە 10 كم سكانديناۆيالىق ءجۇرىس قاشىقتىعى بويىنشا باق سىنادى.
جول حالىقارالىق مارافوندار مەن جۇگىرىستەر قاۋىمداستىعىمەن رەسمي تۇردە سەرتيفيكاتتالعان.
نۇرقات ناريمان ەسىمدى ازامات مارافونعا قاتىسۋ ءۇشىن ەلورداعا سەمەيدەن ارنايى كەلگەن.
«مەن ەلورداداعى مارافونعا ەكىنشى رەت قاتىسىپ وتىرمىن. ءوزىمنىڭ دايىندىعىمدى ورتاشا دەپ باعالايمىن, ويتكەنى جۇمىس ىستەۋگە كوپ ۋاقىت بولمادى. بىراق ءبارى جاقسى بولادى دەپ ويلايمىن. مەن ءوزىم ءۇشىن جۇگىرەمىن, بۇكىل قاشىقتىقتى جۇگىرۋدى ماقسات ەتتىم. بارشاڭىزدى وسىنداي مارافوندارعا, سپورتقا قاتىسۋعا شاقىرامىن. سالاۋاتتى ءومىر سالتىن بىرگە جۇرگىزەيىك. بارلىق قاتىسۋشىلارعا تەك جاقسىلىق پەن دەنساۋلىق تىلەيمىن», دەدى نۇرقات.
مارافونعا نۇر-سۇلتان, الماتى, قاراعاندى, پاۆلودار, شىمكەنت قالالارىنان 4 مىڭنان استام اۋەسقوي سپورتشى, سونداي-اق الەمنىڭ 24 ەلىنەن, سونىڭ ىشىندە رەسەي, ۋكراينا, قىرعىزستان, وزبەكستان, بەلارۋس, اقش, وڭتۇستىك كورەيا, ۇلىبريتانيا, گەرمانيا, وار, ەفيوپيا جانە جاڭا زەلانديا ەلدەرىنەن قاتىسۋشىلار كەلگەن.
«بۇل مارافونعا ماقساتتى تۇردە ەكى اپتا دايىندالدىم. كوڭىل-كۇي كەرەمەت, بۇگىن اۋا-رايى دا جاقسى. بارلىعى ءوز دەنساۋلىعىمىز ءۇشىن جاسالادى. ءبىز كومپانيادان 21 كم قاشىقتىققا جۇگىرەمىز. وسى جىلى تۇركيادا مەن 2 ساعاتتا بىردەي قاشىقتىقتى ەكى رەت جۇگىردىم. بارشاڭىزعا دەنساۋلىق تىلەيمىن, سپورتپەن شۇعىلدانىڭىز, وسىنداي جارىستارعا قاتىسىڭىز جانە رەكوردتارىڭىزدى جاڭارتىڭىز», دەدى ەلوردا تۇرعىنى دانيار يرگۋساەۆ.
21.1 كم قاشىقتىقتا ءابسوليۋتتى جاس ساناتىندا جەڭىمپازدارعا اقشالاي جۇلدە, مەدالدار, گراموتالار جانە باعالى سىيلىقتار بەرىلدى. اتاپ ايتقاندا, 1 ورىن – 450 000 تەڭگە, 2 ورىن – 400 000 تەڭگە, 3 ورىن-350 000 تەڭگە.
ءىس-شارا كەزىندە قاۋىپسىزدىك, ساقتىق جانە تازالىق جۇمىستارى تياناقتى ۇيىمداستىرىلعان.
جارتىلاي مارافوندى ۇيىمداستىرۋشىلار – ء«بىرىنشى بولۋ-باتىلدىق» كورپوراتيۆتىك قورى, «WorldClassAlmaty» فيتنەس-كلۋبى, اكادەميك ش.ەسەنوۆ اتىنداعى عىلىمي-ءبىلىم بەرۋ قورى جانە «درۋگوي تى» مۋلتيسپورتتىق Youtube-ارناسى.
ايتا كەتسەك, ءىس-شارا ەلوردا اكىمدىگىنىڭ قولداۋىمەن وتكىزىلدى.
