«قازاقستان رەسپۋبليكاسىندا ۇشۋ تۇراقتىلىعىنىڭ كورسەتكىشى 2021 جىلى شامامەن 82 پايىزدى قۇرادى. بۇل رەتتە ەۋروپالىق وداق ەلدەرى مەن اقش كورسەتكىشتەرى تيىسىنشە 77 جانە 80 پايىزدى قۇرايدى. سونىمەن قاتار, قولدانىستاعى زاڭناما اۋە كومپانياسىنىڭ كىناسىنەن رەيستەردىڭ كەشىگۋى نەمەسە بولماۋى كەزىندە ۇسىنۋعا مىندەتتى قىزمەتتەردى كوزدەيدى.
بۇدان باسقا, تاسىمالداۋشى كەشىكتىرۋدىڭ ءار ساعاتى ءۇشىن بيلەت قۇنىنان 3 پايىزى مولشەرىندە ايىپپۇل تولەيدى. بۇل رەتتە, رەيستەردىڭ كەشىگۋى كەزىندە جولاۋشىلاردىڭ قۇقىقتارىن قورعاۋ ماقساتىندا جولاۋشىلارعا تولەنەتىن ايىپپۇل مولشەرىن ۇلعايتۋ ماسەلەسى قارالۋدا. رەيستەر كەشىكتىرىلگەن كەزدە جولاۋشىلار الدىنداعى ءوز مىندەتتەرىن ورىنداماعان جاعدايدا, اۋە كومپانياسى ايىپپۇل تۇرىندە اكىمشىلىك جاۋاپكەرشىلىككە تارتىلادى», دەلىنگەن رومان سكلياردىڭ جاۋابىندا.
ۆيتسە-پرەمەردىڭ دەرەگىنشە, 2021 جىلى رەيستىڭ كەشىگۋى كەزىندە زاڭنامادا كوزدەلگەن قىزمەتتەردىڭ كورسەتىلمەۋىنە بايلانىستى تاسىمالداۋشىنى اكىمشىلىك جاۋاپكەرشىلىككە تارتۋدىڭ 3 جاعدايى تىركەلدى.
«سونىمەن قاتار, 2021 جىلى اۋە كەڭىستىگىندە ورىندالعان تۇراقتى رەيستەردىڭ سانى وتكەن جىلمەن سالىستىرعاندا 36 پايىزعا ءوستى. بۇل رەتتە ورىندالعان سۋبسيديالاناتىن اۋە رەيستەر سانى 4 365 رەيستى نەمەسە جالپى رەيستەردىڭ 6 پايىزىن قۇرادى», دەدى ر.سكليار.
