جازاسىن وتەۋشىلەر جۇمىسقا ورنالاستى

اتىراۋداعى ۋگ-157/11 تۇزەۋ مەكەمەسىندە بالىق وڭدەۋ تسەحى جۇمىس ىستەي باستادى. وبلىستىق پروكۋراتۋرانىڭ ىقپال ەتۋىمەن اشىلعان تسەحتا ازىرگە 10 جازاسىن وتەۋشى جۇمىسقا ورنالاس­تىرىلدى. مۇندا جازاسىن وتەۋشىلەر قارا بالىقتاردى وڭدەپ, كۇنىنە 1000 دانا بالىق قۇتىسىن شىعارادى. دايىن ونىمدەر ەلىمىزدەگى تۇزەۋ مەكەمەلەرىنە جونەلتىلەدى. جاقىن ارادا ءوندىرىستى كەڭەيتۋ ارقىلى جۇمىسشىلار سانىن 30-عا دەيىن كوبەيتۋ جوسپارلانۋدا. قازىرگى ۋاقىتتا اتالعان مەكەمەدە 230 سوتتالعان ايەل جازاسىن وتەۋدە, ولار­دىڭ 80-ءى اقىلى جۇمىسپەن قامتىلعان. ونىڭ ىشىندە «ەڭبەك-اتىراۋ» رمك-نىڭ توسەك جابدىقتارىن تىگۋ جانە شىعارۋ تسەحىن­دا – 35, نان ونىمدەرىن شىعاراتىن شا­عىن تسەحتا –5, ىشكى جوندەۋ جۇمىستارىن­دا كەلىسىمشارتپەن 19 سوتتالعان ادام جۇمىسقا تارتىلعان. سونداي-اق, وسى تۇزەۋ مەكەمەسىنىڭ اۋماعىندا 2013 جىلدان بەرى «ەر-تري» جشس تىگىن تسەحى اشىلىپ, 21 سوتتالۋشى جۇمىسپەن قامتىلدى. جولداسبەك شوپەعۇل, «ەگەمەن قازاقستان». اتىراۋ وبلىسى.