بۇل شەشىم 13-17 ماۋسىم ارالىعىندا گيبريدتىك فورماتىندا ءوتىپ جاتقان «ادام جانە بيوسفەرا» يۋنەسكو باعدارلاماسىنىڭ حالىقارالىق ۇيلەستىرۋ كەڭەسىنىڭ (MAب-حۇك) 34-ءشى سەسسياسىندا قابىلداندى.
سەسسيا جۇمىسىنا قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى, قازاقستان رەسپۋبليكاسىنىڭ يۋنەسكو جانىنداعى تۇراقتى وكىلدىگىنىڭ ديپلوماتتارى, «ادام جانە بيوسفەرا» جونىندەگى ۇلتتىق كوميتەتتىڭ توراعاسى رومان ياششەنكو جانە ونىڭ ورىنباسارى ۆيكتوريا يلينا قاتىستى.
ماب حالىقارالىق ساراپتامالىق كەڭەسى قازاقستاندىق ۇلتتىق كوميتەتى ۇسىنعان قۇجاتتارىن زەردەلەپ, ۇسىنىلعان وبەكتىلەردىڭ «ادام جانە بيوسفەرا» يۋنەسكو باعدارلاماسىنىڭ ولشەمدەرىنە سايكەستىگىن باعالاي وتىرىپ, اتالمىش شەشىمدى قابىلدادى.
بۇگىنگى تاڭدا قازاقستانداعى يۋنەسكو بيوسفەرالىق رەزەرۆاتتارىنىڭ ۇلتتىق جەلىسىندە 15 وبەكتىسى ەنگىزىلگەن. ورتالىق ازيا ەلدەرىندە بيوسفەرالىق قورىقتارىنىڭ بۇل سانى ەڭ كوپ بولىپ تابىلادى. ارينە, بۇل الەمدىك قوعامداستىقتىڭ قازاقستاننىڭ بيولوگيالىق ارتۇرلىلىگىن ساقتاۋ ماسەلەلەرىنە جانە ونى بولاشاق ۇرپاق ءۇشىن ساقتاۋعا دەگەن ۇمتىلىسىنا ەرەكشە نازار اۋداراتىندىعىن كورسەتەدى.
ايانا توعانبەك
