«نۇر-سۇلتان قالاسىنىڭ اۋەجايىندا 2022 جىلعى 15 شىلدە مەن 8 تامىز ارالىعىندا جەرگىلىكتى ۋاقىت بويىنشا 11:00-دەن 18:00-گە دەيىن ۇشىپ-قونۋ جولاعىنا جوندەۋ جۇمىستارىن جۇرگىزۋ جوسپارلانىپ وتىر. وسىعان بايلانىستى اۋەجايدىڭ جۇمىس رەگلامەنتى وزگەرەدى. جوندەۋ جۇمىسى ۇشۋ قاۋىپسىزدىگىن قامتاماسىز ەتۋ ماقساتىندا جىل سايىن جۇرگىزىلەدى. ول تۋرالى شەشىم بيىل اقپان ايىندا قابىلداندى. سونىمەن قاتار قىسقارتىلعان جۇمىس كەستەسى تۋرالى اقپارات اۋە كومپانيالارعا ۋاقىتىلى جىبەرىلدى», دەلىنگەن رەسمي اقپاراتتا.
سونداي-اق حابارلامادا اۋە كومپانيالارىنىڭ قىسقارتىلعان جۇمىس رەجيمىنە سايكەس رەيستەر كەستەسىنە وزگەرىستەر ەنگىزىلگەنى ايتىلعان.
«اۋەجايدىڭ جۇمىس ءتارتىبىن وزگەرتۋ - الەمدىك تاجىريبە. اتالعان پروتسەسس الەمدەگى بارلىق اۋەجايعا ءتان», دەدى اۋەجاي ءباسپاسوز قىزمەتىنىڭ وكىلدەرى.
