«2020 جىلعا قاراعاندا 2021 جىلى بۇل سالاداعى تالاپتاردى بۇزۋ دەڭگەيى 27 پايىزعا از بولدى. ەسەپتى كەزەڭدە ءتيىمسىز جۇمسالعان قاراجات سوماسى 413 ملرد تەڭگەنى قۇرادى. ونىڭ ىشىندە قارجى سالاسىنداعى تالاپتاردى بۇزۋ باعىتىندا 79 ملرد تەڭگە انىقتالسا, سونىڭ 85 پايىزى بۋحگالتەرلىك ەسەپكە قاتىستى. ءتيىمسىز جوسپارلاۋ مەن پايدالانۋ تۇرعىسىندا 200 ملرد تەڭگەدەن استام قاراجات تىركەلدى. رەسپۋبليكالىق بيۋدجەتكە قايتارىلعان سوما 17 ملرد تەڭگە بولدى. باقىلاۋ شوتىنداعى قالدىق قاراجات – 47 ملرد تەڭگە», دەدى ن. گودۋنوۆا.
ونىڭ ايتۋىنشا, سوڭعى ءۇش جىلدا ەسەپ كوميتەتى قۇقىق قورعاۋ ورگاندارىنا 121 ماتەريال جولداعان.
«قازىرگى كەزدە 32 ماتەريال قارالىپ جاتىر, سوتقا تەك 3 ءىس جىبەرىلدى. وسى ورايدا ماتەريالدىڭ ءبىرازى بويىنشا تەرگەۋ امالدارى قايتا قوزعالىپ جاتىر. اتاپ ايتقاندا, جۇرگىزىلگەن اۋديتكە قاتىستى ۇكىمەت انىقتالعان كەمشىلىكتەردى تۇزەتۋ باعىتىنداعى جۇمىستاردى اتقارىپ جاتىر», دەدى ەسەپ كوميتەتىنىڭ باسشىسى.
