«16 ماۋسىم كۇنى ساعات 09:00-دەگى جاعدايعا سايكەس تاماقتان ۋلانۋدىڭ تاعى 7 دەرەگى تىركەلىپ, ناۋقاستاردىڭ جالپى سانى 98-گە جەتتى», دەلىنگەن نۇر-سۇلتان قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان حابارلامادا.
ەسكە سالا كەتسەك, 9-10 ماۋسىمدا دەپارتامەنتتىڭ اۋداندىق باسقارمالارىنا قالا اۋرۋحانالارىنان تاعامنان ۋلانۋ جاعدايى تىركەلگەنى تۋرالى شۇعىل حابارلاما تۇسكەن ەدى.
ناۋقاستاردىڭ بارلىعى ءبىر اۋىزدان بۇل جاعداي ەلوردانىڭ قوعامدىق تاماقتانۋ ورىندارىنىڭ بىرىندە تاماق جەگەننەن كەيىن بولعانىن ايتادى. ءدال سول ۋاقىتتا 64 ناۋقاس مەديتسينالىق كومەككە جۇگىنگەنى بەلگىلى بولدى. ونىڭ 52-ءسى اۋرۋحاناعا جاتقىزىلسا, 12-ءسى امبۋلاتوريالىق ەم العان.
