«س.ۆ. شميدت ءوز ءۇيىنىڭ اۋماعىنداعى گاراجدا قۇجاتسىز مۇناي ونىمدەرىن ساقتاۋ جانە وتكىزۋ ءۇشىن ءۇش تسيستەرنانى پايدالانعان. 2021 جىلى ول ديزەلدىك وتىندى تاسىمالداۋعا جانە وتكىزۋگە ارنالعان جۇك-جولاۋشى ءتيپتى كولىكتى قايتا جوندەۋدەن وتكىزگەن. كولىككە ارقايسىسىنىڭ كولەمى 1 000 ليتر بولاتىن ەكى تسيستەرنا ورناتىلعان», دەلىنگەن قما حابارلاماسىندا.
سونداي-اق «مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ» تۋرالى زاڭىنىڭ تالاپتارىن بۇزعان. مۇناي ونىمدەرىن زاڭسىز ساتىپ الۋ, ساقتاۋ جانە وتكىزۋدى ىسكە اسىرعانى ءۇشىن س.ۆ. شميدتكە سوت ۇكىمىمەن قوعامدىق جۇمىستارعا تارتۋ تۇرىندەگى جازا تاعايىندالدى. سونىمەن قاتار قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىلدى.
قما مالىمەتىنشە, سوت شەشىمىمەن ءتىنتۋ كەزىندە تاركىلەنگەن ديزەلدىك وتىن مەملەكەت پايداسىنا جاراتىلادى.
ايانا توعانبەك
