وندا ساراپشىلار «جاڭا گەوساياسي جاعدايداعى قازاقستان: ترەندتەر, سىن-قاتەرلەر جانە ستراتەگيالار» تاقىرىبىن تالقىلادى.
جاڭا الاڭنىڭ العاشقى وتىرىسىن ماۋلەن اشىمباەۆ اشتى. ول قازىرگى تاڭدا ەلىمىزدە مەملەكەت باسشىسىنىڭ باستاماسىمەن جاڭا قازاقستان قۇرۋ جولىندا كەشەندى رەفورمالار ىسكە اسىرىلىپ جاتقانىنا نازار اۋداردى.
«جۇرگىزىلىپ جاتقان رەفورمالار ساياسي جۇيەنى كەشەندى ترانسفورماتسيالاۋدى جانە دەموكراتيالاندىرۋدى كوزدەيدى. جاڭا قازاقستان باعدارى قۇقىقتىق جاڭعىرتۋدان اۋقىمدىراق جانە ول ەكونوميكالىق, الەۋمەتتىك, قۇندىلىق سياقتى كوپتەگەن باسىمدىقتاردى قامتيدى. بۇل ىستە ينتەللەكتۋالدىق باعىتتىڭ دا ماڭىزى زور. ەل دامۋىنىڭ جاڭا كەزەڭىندەگى مىندەتتەردى ىسكە اسىرۋ ءۇشىن ساپالى ينتەللەكتۋالدى قولداۋ جانە زياتكەرلىك الەۋەتتى ارتتىرۋ قاجەت», دەدى ماۋلەن اشىمباەۆ.
ونىڭ ايتۋىنشا, مۇنداي باستاما ساراپشىلارعا, اناليتيكتەرگە, عالىمدار مەن ينتەللەكتۋالدارعا مول مۇمكىندىك بەرەدى.
ماۋلەن اشىمباەۆ اتالعان جوبا اياسىندا جاڭا قازاقستاننىڭ كۇن ءتارتىبىن تالقىلاۋ جانە ەل دامۋىنىڭ ستراتەگيالىق باعىتتارى بويىنشا باستامالار مەن ۇسىنىستاردى بىرلەسىپ ازىرلەۋ جوسپارلانىپ وتىرعانىن ايتتى.
سەنات سپيكەرى ينتەللەكتۋالدى كەڭىستىكتىڭ تاعى ءبىر مىندەتى ەلىمىزدە جۇرگىزىلىپ جاتقان رەفورمالارعا قاتىستى وزەكتى ماسەلەلەر بويىنشا قوعامداعى مازمۇندى جانە سىندارلى ديسكۋرسقا قولداۋ ءبىلدىرۋ ەكەنىن اتاپ ءوتتى.
وتىرىس بارىسىندا قاتىسۋشىلار قازاقستاننىڭ جاڭا گەوساياسي جاعدايداعى ورنى تۋرالى وي ءوربىتتى. سوعان وراي ماۋلەن اشىمباەۆ جىل باسىندا ەلىمىز قاڭتار وقيعاسىنا بايلانىستى ىشكى داعدارىسقا تاپ بولعانىنا نازار اۋدارىپ, جاڭا قازاقستان باعدارى سول تىعىرىقتان شىعار جول ەكەنىن تىلگە تيەك ەتتى. سونداي-اق شيەلەنىسە تۇسكەن گەوساياسي احۋالعا بايلانىستى سىرتقى فاكتورلاردىڭ ەلىمىزگە اسەرى دە اڭگىمەگە ارقاۋ بولدى.
ءىس-شارادا قازاقستاننىڭ حالىقارالىق قوعامداستىقتاعى ورنى, قازىرگى سىن-قاتەرلەر مەن قاۋىپتەر, بۇگىنگى گەوساياسي جاعدايداعى ەلىمىزدىڭ سىرتقى ساياسي ستراتەگياسىنىڭ جەكەلەگەن اسپەكتىلەرى جانە باسقا دا تاقىرىپتار كەڭىنەن تالقىلاندى.
الداعى ۋاقىتتا جوبا اياسىندا بەلگىلى قازاقستاندىق جانە شەتەلدىك ينتەللەكتۋالدارمەن كەزدەسۋلەر وتكىزۋ كوزدەلىپ وتىر. ودان بولەك, كىتاپتاردى تانىستىرۋ جانە تالقىلاۋ, ىشكى جانە حالىقارالىق جاعدايعا قاتىستى ماڭىزدى تاقىرىپتار بويىنشا پىكىرتالاس ۇيىمداستىرۋ, سونداي-اق, تالدامالىق زەرتتەۋلەر ازىرلەۋ سياقتى مىندەتتەر بار.
وتىرىستا تاراس شەۆچەنكو اتىنداعى كيەۆ مەملەكەتتىك ۋنيۆەرسيتەتىنىڭ پروفەسسورى, فيلوسوفيا عىلىمدارىنىڭ دوكتورى اندرەي باۋمەيستەر, قازاقستان رەسپۋبليكاسىنىڭ پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ, وسى ينستيتۋتتىڭ باس عىلىمي قىزمەتكەرى مۇرات لاۋمۋلين جانە تاعى باسقا بەلگىلى ساراپشىلار ءسوز سويلەپ, تالقىلانعان تاقىرىپ بويىنشا ويلارىمەن ءبولىستى.
