«5 ايدىڭ قورىتىندىسى بويىنشا جالپى ىشكى ءونىم 4,6%-عا ءوستى. وعان نەگىزىنەن ناقتى سەكتوردىڭ قارقىندى دامۋى, ونىڭ ىشىندە وڭدەۋ ونەركاسىبى ايتارلىقتاي ۇلەس قوستى. ءوسىم تىركەلگەن نەگىزگى سالالار – ازىق-ت ۇلىك ونىمدەرى - 3, سۋسىن ءوندىرىسى - 18, جەڭىل ونەركاسىپ - 8, حيميا ونەركاسىبى - 11, رەزينا جانە پلاستماسسا بۇيىمدارىن شىعارۋ - 11%-دان استى. سونداي-اق مۇناي وڭدەۋ - 8, جيھاز جانە ماشينا جاساۋ ونىمدەرى - 10, فارماتسەۆتيكا - 5%-عا ءوستى», دەدى ۇكىمەت باسشىسى.
ونىڭ ايتۋىنشا, تاۋ-كەن ونەركاسىبىندەگى 4% ءوسىم تابيعي گاز, مۇناي, كومىر جانە مەتالل كەنىن ءوندىرۋ ەسەبىنەن قامتاماسىز ەتىلدى. قۇرىلىس سالاسى 9%-عا جۋىق تۇراقتى ءوسىم كورسەتىپ وتىر. قۇرىلىس ماتەريالدارىنىڭ ءوندىرىسى 5%-عا ارتتى. قىزمەت كورسەتۋ سەكتورىندا ساۋدا - 11, كولىك سالاسى - 8 جانە بايلانىس - 7%-دان استام ارتتى.
«اقمولا, الماتى, قىزىلوردا جانە شىعىس قازاقستان وبلىستارىندا, سونداي-اق شىمكەنت قالاسى مەن ەلوردادا بارلىق نەگىزگى كورسەتكىشتەر بويىنشا ءوسىم تىركەلىپ وتىر. جاۋاپتى مەملەكەتتىك ورگاندار مەن اكىمدىكتەر وسى جۇمىس قارقىنىن ساقتاۋى كەرەك. ول ءۇشىن ەكونوميكانى ءارتاراپتاندىرۋ, ينۆەستيتسيالار تارتۋ جانە جاڭا تۇراقتى جۇمىس ورىندارىن قۇرۋدى جالعاستىرۋ قاجەت», دەدى ءاليحان سمايىلوۆ.
سونداي-اق ۇكىمەت باسشىسى مامىر ايىنىڭ قورىتىندىسىندا ەلدەگى جىلدىق ينفلياتسيا 14 پايىزدى قۇراعانىنا نازار اۋدارتتى.
«ازىق-ت ۇلىك ينفلياتسياسىنىڭ دەڭگەيى 19%-عا جەتتى. بۇعان ەڭ الدىمەن, ازىق-ت ۇلىك تاۋارلارىنا الەمدىك باعانىڭ ءوسۋى اسەر ەتىپ وتىر. مەملەكەتتىك ورگانداردىڭ ءبىرىنشى باسشىلارى مەن اكىمدەر ينفلياتسيانى تەجەۋ جۇمىسىن كۇشەيتىپ, پارمەندى ءىس-شارالار قابىلداۋى ءتيىس», دەدى پرەمەر-مينيستر.
