قازاقستاندا پروكۋراتۋرا تۋرالى زاڭ جوباسى ازىرلەندى

زاڭ جوباسى پروكۋراتۋرانىڭ قۇقىق قورعاۋ الەۋەتىن كۇشەيتۋگە جانە جوعارى قاداعالاۋ ورگانىن جاڭعىرتۋعا، پروكۋرورلار قىزمەتىنىڭ كەپىلدىكتەرىن نىعايتۋعا باعىتتالعان.

زاڭ جوباسىندا زاڭدىلىقتى ساقتاۋدى نەعۇرلىم ءتيىمدى قامتاماسىز ەتۋگە، ازاماتتاردىڭ قۇقىقتارى مەن بوستاندىقتارىن، بيزنەستىڭ، قوعام مەن مەملەكەتتىڭ مۇددەلەرىن قورعاۋعا جانە قالپىنا كەلتىرۋگە مۇمكىندىك بەرەتىن پارمەندى قۇرالدار مەن تەتىكتەردى بەكىتۋ ۇسىنىلادى.

پروكۋراتۋرا ادامدى، ونىڭ ءومىرىن، قۇقىقتارى مەن بوستاندىقتارىن مەملەكەتتىڭ جوعارى قۇندىلىقتارى رەتىندە قورعاۋ، زاڭنىڭ ۇستەمدىگىن قامتاماسىز ەتۋ جانە قر اۋماعىندا زاڭدىلىقتى نىعايتۋ ماقساتىندا كەلەسى مىندەتتەردى جۇزەگە اسىرادى:

• ادامنىڭ جانە ازاماتتىڭ بۇزىلعان قۇقىقتارى مەن بوستاندىقتارىن، زاڭدى تۇلعالاردىڭ، قوعام مەن مەملەكەتتىڭ زاڭمەن قورعالاتىن مۇددەلەرىن قورعاۋ جانە قالپىنا كەلتىرۋ;
• زاڭنىڭ بۇزىلۋىن، وعان ىقپال ەتەتىن سەبەپتەر مەن جاعدايلاردى، سونداي-اق ولاردىڭ سالدارلارىن انىقتاۋ جانە جويۋ;
• قۇقىق قورعاۋ جانە وزگە دە مەملەكەتتىك ورگانداردىڭ زاڭدى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى قىزمەتىن ۇيلەستىرۋ;
• زاڭدارمەن جانە قر پرەزيدەنتىنىڭ اكتىلەرىمەن ايقىندالاتىن وزگە دە مىندەتتەر.

پروكۋراتۋرا ورگاندارىنا جۇكتەلگەن مىندەتتەر:

• زاڭدىلىقتى جوعارى قاداعالاۋ:
• مەملەكەتتىك، جەرگىلىكتى وكىلدى جانە اتقارۋشى ورگانداردىڭ، جەرگىلىكتى ءوزىن-ءوزى باسقارۋ ورگاندارىنىڭ، مەكەمەلەردىڭ، كاسىپكەرلىك سۋبەكتىلەرىنىڭ جانە مەنشىك نىسانىنا قاراماستان وزگە دە ۇيىمداردىڭ قىزمەتى، سونداي-اق ولار قابىلدايتىن اكتىلەر مەن شەشىمدەر;
• لاۋازىمدى جانە وزگە دە ادامداردىڭ، ونىڭ ىشىندە سوت ورىنداۋشىلارى مەن نوتاريۋستاردىڭ ءىس-ارەكەتتەرىنىڭ (ارەكەتسىزدىكتەرىنىڭ)، سونداي-اق ولار قابىلدايتىن، كۇشىنە ەنگەن اكتىلەر مەن شەشىمدەردىڭ;
• اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋ;
• سوتقا دەيىنگى تەرگەپ-تەكسەرۋ، قىلمىستىق قۋدالاۋ، جەدەل-ىزدەستىرۋ جانە قارسى بارلاۋ قىزمەتى;
• اتقارۋشىلىق ءىس جۇرگىزۋ;
• زاڭدى كۇشىنە ەنگەن سوت اكتىلەرىنىڭ تىزبەسى;
• قىلمىستىق جازالاردى ورىنداۋ جانە مەملەكەتتىك ماجبۇرلەۋدىڭ وزگە دە شارالارىن قولدانۋ;
• مەملەكەتتىك قۇقىقتىق ستاتيستيكا جانە ارنايى ەسەپكە الۋ;
• قازاقستان رەسپۋبليكاسىنىڭ حالىقارالىق مىندەتتەمەلەرىن ساقتاۋ;
• ازاماتتاردىڭ قۇقىقتارى مەن بوستاندىعىن، قوعام مەن مەملەكەتتىڭ مۇددەلەرىن قوزعايتىن قوعامدىق قاتىناستاردىڭ وزگە دە سالالارى;

سونىمەن قاتار پروكۋراتۋرانىڭ قۇزىرەتىنە مىنالار كىرەدى:

• سوتتا مەملەكەت مۇددەسىن ءبىلدىرۋ;
• سوتقا دەيىنگى تەرگەۋ، قىلمىستىق قۋدالاۋ;
• قىلمىستىق-قۇقىقتىق سالاداعى حالىقارالىق ىنتىماقتاستىق;
• قىلمىستىق جولمەن الىنعان كىرىستەردى قىلمىستىق پروتسەستەن تىس قايتارۋ ماسەلەلەرى بويىنشا شەتەلدىك جانە حالىقارالىق (مەملەكەتارالىق) سوتتاردا، شەتەلدىك جانە حالىقارالىق ارالىق سوتتاردا (تورەلىكتەردە) مەملەكەتتىڭ مۇددەلەرىن ءبىلدىرۋ;
• زاڭ شىعارۋ قىزمەتىنە قاتىسۋ;
• قۇقىق قورعاۋ ورگاندارى كادرلارىن دايارلاۋ جانە ولاردىڭ كاسىبي دەڭگەيىن ارتتىرۋ، سونداي-اق ءبىلىم بەرۋ جانە عىلىمي قىزمەت;
• ادامنىڭ جانە ازاماتتىڭ قۇقىقتارى مەن بوستاندىقتارىن قالپىنا كەلتىرۋگە جانە قورعاۋعا جاردەمدەسۋ شەڭبەرىندە ادام قۇقىقتارى جونىندەگى ۋاكىلمەن ءوزارا ءىس-قيمىل جاساۋ.

زاڭ جوباسىندا پروكۋراتۋرا ورگاندارىنىڭ ءوز فۋنكتسيالارى مەن وكىلەتتىكتەرىن جۇزەگە اسىرۋى كەزىندە ولاردىڭ قىزمەتىنە قانداي دا ءبىر ارالاسۋعا تىيىم سالىنادى دەلىنگەن.

زاڭ جوباسىن قابىلداۋ 2023-2025 جىلدارعا ارنالعان رەسپۋبليكالىق بيۋدجەتتەن پروكۋراتۋرا قىزمەتىنىڭ قۇقىقتىق جانە الەۋمەتتىك كەپىلدىكتەرىن نىعايتۋعا 18 754،5 مىڭ تەڭگە قوسىمشا قارجى شىعىندارىن تالاپ ەتەدى.

قۇجات 7 شىلدەگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.