9-10 ماۋسىمدا نۇر-سۇلتان قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ اۋماقتىق باسقارمالارىنا تاماقتان ۋلانۋ فاكتىلەرى تىركەلگەنى تۋرالى قالالىق مەديتسينالىق ۇيىمداردان شۇعىل حابارلامالار تۇسكەن. بارلىق ناۋقاس قوعامدىق تاماقتانۋ ورىندارىنىڭ بىرىندە تاماقتانعانىن ايتقان.
«جاپپاي تاماقتان ۋلانۋ فاكتىلەرىنىڭ تىركەلۋىنە بايلانىستى بايقوڭىر اۋداندىق سانيتارلىق-ەپيدەميولوگيالىق باقىلاۋ باسقارماسى بايقوڭىر اۋدانىنىڭ پوليتسيا باسقارماسىنا اقپارات جولدادى. پوليتسيا دەپارتامەنتى قىلمىستىق كودەكستىڭ 304-بابى بويىنشا سوتالدى تەرگەپ-تەكسەرۋدى باستادى», دەدى ۆەدومستۆو وكىلدەرى.
10 ماۋسىمدا قىلمىستىق ءىس اياسىندا قوعامدىق تاماقتانۋ نىسانىندا جوسپاردان تىس تەكسەرۋ باستالعان.
«تەكسەرۋ بارىسىندا مىناداي زاڭبۇزۋشىلىقتار انىقتالدى:
- نىساننىڭ مالىمدەلگەن قۋاتىنا ناقتى سايكەس كەلمەۋى;
- بارلىق تەحنولوگيالىق پروتسەسس اس ءۇيدىڭ ءبىر بولمەسىندە جۇرگىزىلەدى;
- تسەح بويىنشا ءبولۋ (ۋچاسكەلەرگە ءبولۋ) كوزدەلمەگەن;
- بولشەكتەۋ جابدىقتارىن تاڭبالاۋ, پايدالانۋ جانە ساقتاۋ تالاپتارى ساقتالمايدى;
- دايىن ازىق-ت ۇلىك ونىمدەرىن جانە ازىق-ت ۇلىك شيكىزاتىن ساقتاۋ كەزىندە قاجەتتى قاعيدات ساقتالمايدى;
- قىزمەتكەرلەردى جۇقپالى اۋرۋلاردىڭ بولۋىنا تەكسەرۋ جۋرنالى جوق.
تەكسەرۋ كەزىندە زەرتحانالىق زەرتتەۋ ءۇشىن جاعىندىلار, شيكىزات پەن دايىن ءونىمنىڭ ۇلگىلەرى تاڭدالدى. كاسىپورىننىڭ 15 قىزمەتكەرى پاتوگەن ميكروفلورانى تاسىمالداۋعا تەكسەرىلدى. ناتيجە قارالىپ جاتىر», دەپ تولىقتىردى سانيتارلىق-ەپيدەميولوگيالىق باقىلاۋ دەپارتامەنتى وكىلدەرى.
ۆەدومستۆو مالىمەتىنشە, مەديتسينالىق كومەككە 64 ناۋقاس جۇگىنىپ, ونىڭ 52-ءسى اۋرۋحاناعا جاتقىزىلدى, 12-ءسى امبۋلاتورلىق ەم العان.
جوسپاردان تىس تەكسەرۋلەر مەن ەپيدەمياعا قارسى شارالار جالعاسىپ جاتىر.
