جەمقورلىقپەن كۇرەس – جالپىقوعامدىق ءىس

استانادا جەمقورلىققا قارسى ءىس-ارەكەت جونىندەگى ايماقتىق كەڭەستەر باسشىلارىنىڭ رەسپۋبليكالىق سەمينار-كەڭەسى ءوتتى. كەڭەس بارىسىندا «نۇر وتان» پارتياسى دوكتريناسىنىڭ تۇر­عىسىندا قازاقستاندا جەمقور­لىققا قارسى ءىس-ارەكەتتىڭ, پار­تيانىڭ ازاماتتىق قوعام ينستيتۋتتارىمەن ءوزارا ءىس-ارەكەتىنىڭ تيىمدىلىگىن ارتتىرۋ, جقرقك-ءنىڭ باسشىلىعىمەن جانە قۇقىق قورعاۋ ورگاندارى جانىنداعى قوعامدىق كەڭەستەرمەن ءوزارا ءىس-قيمىلدا ايماقتىق قوعامدىق كەڭەستەردىڭ جۇمىسىن ۇيىم­داس­تىرۋ جانە ءرولىن ارتتىرۋ ءجونىن­دەگى شارالار تالقىلاندى. كەڭەستە قۇتتىقتاۋ سوزدەن كەيىن «نۇر وتان» پارتياسى ءتورا­­عا­سىنىڭ ءبىرىنشى ورىنباسارى باۋىر­جان بايبەك: «جا­ڭا كەزەڭ­دەگى جەمقورلىققا قار­سى جۇمىس­تىڭ نەگىزگى ماقساتى ازا­ماتتاردىڭ ساناسىندا جەم­قورلىق كورىنىس­تەرىنە قاتىستى «مۇلدەم توزبەۋ­شىلىككە» قول جەتكىزۋدى قامتا­ماسىز ەتۋ بولىپ تابىلادى. ەل­باسىنىڭ تاپ­سىرماسىنا سايكەس بۇل جۇ­مىس­تى جۇيەلى تۇردە, ءبۇ­كىل ەل اۋ­قىمىندا جۇرگىزۋ قا­جەت جانە «نۇر وتان» ونىڭ اينا­لا­­سىنا بارلىق قۇرىلىمدىق سايا­­سي كۇشتەر مەن ازاماتتىق قو­عام ينس­تي­تۋتتارىن بىرىكتىرىپ, وسى ءما­سە­­لەنى شەشۋدە الدىڭعى قا­تار­­دا بولۋى ءتيىس», دەپ اتاپ كور­سەتتى. «نۇر وتان» پارتياسىنىڭ دوك­تريناسىندا اتاپ كورسەتىلگەندەي, «جەمقورلىقپەن كۇرەس ءبارىمىزدىڭ جانە ارقايسىمىزدىڭ مىندەتىمىز بولىپ تابىلادى. جەمقورلىق مەملەكەتتىلىك پەن دەموكراتيانىڭ نەگىزىن السىرەتەدى. سوندىقتان پارتيا جەمقورلىققا قارسى ءىس-ارەكەت جاساۋ ءۇشىن جانە قوعامدا ونىڭ كەز كەلگەن كورىنىسىنە توزبەۋشىلىكتى قالىپتاستىرۋ ءۇشىن جۇيەلى جاعدايلار جاسايتىن بولادى. مەملەكەتتىك باسقارۋ جۇيەسى قوعامدىق باقىلاۋ ءۇشىن بارىنشا ايقىن جانە قولجەتىمدى بولۋى ءتيىس». وسى سالاداعى اناعۇرلىم كەڭ تاراعان قىلمىستار لاۋازىمدى ادامنىڭ پارا الۋى جانە قىزمەت بابىن پايدالانىپ, وزىنە سەنىپ تاپسىرىلعان بوتەننىڭ مۇلكىن يەمدەنۋى نەمەسە تالان-تاراجعا سالۋى, الاياقتىق بەلگىلەرى بويىنشا قىلمىستار بولىپ تابىلادى. جقرقك-ءنىڭ باستى مىندەتى – جەمقورلىققا, ەكونوميكالىق قىلمىستار مەن قۇقىق بۇزۋ­شى­لىق­تار جاساۋعا جول بەرەتىن, جاع­دايلار جاسايتىن سەبەپتەر­دى اي­قىنداۋ ماقساتىندا مەملە­كەتتىك ورگانداردىڭ قىزمەتىنە باقى­لاۋدى جۇزەگە اسىرۋ, جەمقورلىققا توزبەۋشىلىككە تاربيەلەۋ بويىنشا حالىق اراسىندا الدىن الۋ جۇمىسىن جۇرگىزۋ. جەمقورلىقپەن كۇرەس پارتيا مۇشەلەرىنىڭ اراسىندا دا جۇرگىزىلەدى. سوڭعى جارتى جىلدا پارتيا مۇشەلەرىنىڭ سانى 25 مىڭ ادامعا ازايدى. بۇل ۇدەرىس پارتيا قۇرامىنىڭ ساپاسىن ءتۇبى­رىمەن جاقسارتۋعا باعىتتالعان پارتيانىڭ جۇرگىزىپ وتىرعان ساياساتىمەن تۇسىندىرىلەدى. قابىلدانعان شارالاردىڭ ناتيجەسىندە پارتيا ءتارتىبىنىڭ, جارعى تالاپتارىنىڭ ورەسكەل بۇزىلۋىنا جول بەرگەن, مۇشەلىك جارنا تولەۋدەن جالتارعان, سونداي-اق, قانداي دا ءبىر نەگىزدە پارتيامەن بايلانىسىن ۇزگەن ادامدار پارتيا قاتارىنان شىعارىلدى. پارتيا قاتارىنان شىعارىلعانداردىڭ ىشىندە جەمقورلىق بويىنشا قۇقىق بۇزۋشىلىقتار جاساعان ازاماتتار دا بار. ۇستىمىزدەگى جىلى «نۇر وتان» جەم­قورلىققا قارسى جاڭا باع­دار­لاما ازىرلەۋدە, وندا جەمقور­لىققا قارسى ءىس-ارەكەت بويىنشا جۇمىستىڭ بىرقاتار باستى باعىتتارى ايقىندالاتىن بولادى. باستى ماقسات پارتيا مەحا­نيزمدەرى ارقىلى قوعامدىق ايىپتاۋدى قامتاماسىز ەتۋ, حالىق اراسىندا جەمقورلىقتى قۇپتاماۋ بولادى. وسى جوبانى دايارلاعان كەزدە حالىقارالىق تاجىريبە ەسكەرىلەدى جانە ازاماتتىق قوعام وكىلدەرى بىرلەسىپ جۇمىس ىستەۋگە قاتىستىرىلادى. «ەگەمەن-اقپارات».