بۇگىن ەنەرگەتيكا مينيسترلىگى, «سامۇرىق-قازىنا» اق, «قازمۇنايگاز» ۇك اق جانە «TotalEnergies» كت مەملەكەت باسشىسى قاسىم-جومارت توقاەۆتىڭ 2021 جىلعى 26 مامىرداعى قازاقستاننىڭ ەلەكتر ەنەرگەتيكاسى سالاسىن دامىتۋ ماسەلەلەرى جونىندەگى كەڭەس بارىسىندا بەرگەن تاپسىرماسىن ورىنداۋ شەڭبەرىندە قۋاتى 1 گۆت جەك ءىرى اۋقىمدى جوباسىن ىسكە اسىرۋعا باعىتتالعان قاعيداتتار تۋرالى كەلىسىم جاساستى.
قول قويۋ راسىمىنە قر ەنەرگەتيكا ءمينيسترى بولات اقشولاقوۆ, «سامۇرىق-قازىنا» اق باسقارما توراعاسى الماسادام ساتقاليەۆ, «قازمۇنايگاز» ۇك اق باسقارما توراعاسى ماعزۇم مىرزاعاليەۆ, ازيادا بيزنەستى دامىتۋ بويىنشا «Total ەren S.A.» ۆيتسە-پرەزيدەنتى انتۋان گارە, قازاقستانداعى «TotalEnergies» باس ديرەكتورى احلەم فريگا-نوي قاتىستى.
قول قويىلعان قۇجات ەنەرگيانى جيناقتاۋ جۇيەسىن پايدالانا وتىرىپ, جالپى قۋاتى 1 گيگاۆاتت جەل ەلەكتر ستانسالارىن دامىتۋعا, قارجىلاندىرۋعا, سالۋعا جانە پايدالانۋعا باعىتتالعان.
وبەكتى جامبىل وبلىسىنداعى ميرنىي اۋىلى ماڭىندا ورنالاسادى. جوبانىڭ قۇرىلىسىن كەزەڭ-كەزەڭىمەن جۇرگىزۋ جوسپارلانىپ وتىر جانە جوبا 2024 جىلدان باستاپ 2026 جىلدى قوسا العان كەزەڭدە تولىق اياقتالادى دەپ جوسپارلانعان. اتالعان جوبانى ىسكە اسىرۋ قازاقستاننىڭ «جاسىل» ەكونوميكاعا كوشۋ تۇجىرىمداماسىمەن بەكىتىلگەن نىسانالى ينديكاتورلارعا قول جەتكىزۋگە, قوسىمشا ينۆەستيتسيالار تارتۋعا, جاڭا جۇمىس ورىندارىن قۇرۋعا, سونداي-اق «جاسىل» ەلەكتر ەنەرگياسىن گەنەراتسيالاۋدى ۇلعايتۋعا مۇمكىندىك بەرەدى.
ايانا توعانبەك
