مۇرات ءونال: قازاقستاننىڭ قۇجاتىن تەزىرەك العىم كەلەدى (ۆيدەو)

تۇركيادا تۋىپ-وسكەن قانداسىمىز مۇرات ءونال بيىلعى ماۋسىمنان باستاپ شىمكەنتتىڭ "قىران" كومانداسىندا ويناپ ءجۇر. ول بۇعان دەيىن گوللانديانىڭ ءبىرىنشى ليگاداعى "ۆولەندام" كومانداسىندا ويناعان. ول - سىرتتان كەلگەن تۇڭعىش قازاق لەگينەر. جاسى 24-تە. 6 جاسىنان باستاپ فۋتبول وينايدى. ءبىز ونى "شىمكەنت" قوناقۇيىنە ارنايى ىزدەپ باردىق. ەرتەڭىنە ويىن ەكەنىنە قاراماستان, مۇرات بىزبەن اڭگىمەلەسۋگە كەلىسىم بەردى. ول تۇركيادا وسكەندىكتەن تۇرىكشە تازا بىلەدى ەكەن, قازاقشا ەندى ۇيرەنىپ ءجۇر. قازاقستان قاتتى اسەر ەتكەنى ءار سوزىنەن بىلىنەدى. "گوللانديادا قازاق كورىپ قالسام, 2-3 كۇن جىبەرمەي, قىدىرتىپ, قوناق قىلاتىن ەدىم, مىندا قازاق كوپ" ,- دەيدى ك ۇلىپ. بۇيىرتسا, وسىندا اكە-شەشەسىن الىپ كەلىپ, قازاقستاندى كورسەتسەتەتىنىن, ەگەر ولار كەلىسسە وسىندا كوشىرىپ الىپ كەلەتىنىن دە ايتىپ ءوتتى ءسوز اراسىندا. جۇرەگى قازاق دەپ سوعىپ تۇر. "قازاقتاردىڭ دارحان كوڭىلىن ءار قازاقتان بايقايمىن, ەندىگى ماسەلە - قۇجات الۋ. قازاقستان ازاماتى بولسام" ,- دەگەن ارمانىن ايتا وتىرىپ, جاقىندا وسى ماسەلەمەن قالا اكىمىنە كىرەتىنىن ايتتى. دانيار الان