«رەسپۋبليكالىق بيۋدجەت سالاسىنداعى زاڭبۇزۋشىلىقتار 27%-عا ازايدى, 2020 جىلى 570 ملرد تەڭگەگە, 2021 جىلى – 413 ملرد تەڭگەگە زاڭبۇزۋشىلىقتار انىقتالعان. بيۋدجەت قالاي قالىپتاسادى؟ بىردەن پروبلەمالارعا كوشەيىن. بيۋدجەت بەلگىسىز سەبەپتەرمەن ءبىر جىلدىق شىعىندارعا قارجى جەتپەيتىندەي ەتىپ جوسپارلانا باستادى. بۇل نونسەنس. ەگەر كوممۋنالدىق قىزمەتتەردى تولەۋگە اقشا جەتپەسە, پاتەردى كۇردەلى جوندەۋدى جوسپارلامايمىز عوي. مەملەكەت باسشىسىنىڭ باستامالارىن قوسپاعاندا – بۇل بيۋدجەتتى ساپاسىز جوسپارلاۋ جانە وعان قارجى مينيسترلىگىنىڭ كەلىسىم بەرۋى. سودان كەيىن مەملەكەت ۇلتتىق قوردان وسى كەزەكتى شىعىندارعا رەسۋرس بولۋگە ءماجبۇر بولادى. ءبىز شىعىنداردىڭ باسىمدىعىن تەرەڭ زەرتتەمەي-اق بيۋدجەتتى بەكىتىپ جىبەرەمىز, سودان كەيىن ءبىر جىلدا بەسىنشى بولىگىن تۇزەتىپ, قايتا قاراجات بولەمىز. جوبالار سانىن ارتتىرۋ ءۇشىن جوبالىق-سمەتالىق قۇجاتتاما ازىرلەۋگە 50 ميلليوننان بيۋدجەت قارجىسىن بەرەمىز. كەلەسى جىلى ولاردى قارجىلاندىرۋ ماسەلەسىن ويلامايمىز», دەدى ن. گودۋنوۆا ءماجىلىستىڭ جالپى وتىرىسىندا.
ونىڭ ايتۋىنشا, كىرىستەردىڭ ۇشتەن بىرىنەن استامى – 36% ۇلتتىق قور قاراجاتى ەسەبىنەن قالىپتاسقان.
«بۇل كورسەتكىش سوڭعى ءۇش جىل بويى جوعارى دەڭگەيدە قالىپ وتىر, ال مەملەكەتتىك قازىنانى سالىقتىق اكىمشىلەندىرۋ ەسەبىنەن تولىقتىرۋ رەزەرۆى ايقىن كورىندى. وكىنىشكە قاراي, بيىل دا مەملەكەتتىك اۋديت مەملەكەتتىك كىرىستەر كوميتەتى سالىق جانە كەدەندىك اكىمشىلەندىرۋدى جاقسارتۋ ارقىلى كەلدى دەپ مالىمدەگەن قوسىمشا تۇسىمدەردى راستامادى. ءبىز جاريالانعان 684 ميللياردتىڭ 378 ميللياردىن عانا, 1,8 ەسە از قاراجاتتى راستاي الدىق», دەدى ن. گودۋنوۆا.
