ءباسپاسوز قىزمەتىنىڭ مالىمەتتەرىنە قاراعاندا, ەكىنشى دەڭگەيلى بانكتەردىڭ قاراجاتىن جۇيەلى تۇردە قولما-قول اقشاعا اينالدىرۋمەن اينالىسىپ كەلگەن توپتى قارجىلىق مونيتورينگ اگەنتتىگىنىڭ سولتۇستىك قازاقستان وبلىسى بويىنشا اۋماقتىق دەپارتامەنتى انىقتاعان.
2018-2020 جىلدار ارالىعىندا ارەكەت ەتكەن قىلمىستىق توپتى پەتروپاۆل قالاسىنىڭ تۇرعىنى ۇيىمداستىرىپ, باسقارعان. قىلمىستىق توپتىڭ ماقساتى كوممەرتسيالىق ۇيىمداردىڭ سالىقتان جالتارۋىنا كومەكتەسۋ. وسى ماقساتتا قىلمىستىق توپ باقىلاۋىنداعى كوممەرتسيالىق كومپانيالار ارقىلى جالپى سوماسى شامامەن 1,4 ملرد تەڭگەنىڭ شوت-فاكتۋرالار جاساعان.
«سوت ۇكىمىمەن قىلمىستى ۇيىمداستىرۋشى كىنالى دەپ تانىلىپ, مۇلكى تاركىلەنىپ, 7 جىل 6 ايعا باس بوستاندىعىنان ايىرىلدى. ۇيىمداسقان قىلمىستىق توپ مۇشەلەرى مۇلكى تاركىلەنىپ, 5 جانە 6 جىلعا باس بوستاندىعىنان ايىرىلدى. وبلىستىق سوتتىڭ قىلمىستىق ىستەر جونىندەگى سوت القاسى پەتروپاۆل قالالىق سوتىنىڭ ۇكىمىن وزگەرىسسىز قالدىردى», دەلىنگەن حابارلامادا.
