«مەملەكەت باسشىسىنىڭ وكىمىمەن قايرات ىرزاقۇل ۇلى نۇرتاي قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى لاۋازىمىنا تاعايىندالدى», دەلىنگەن جارلىقتا.
نۇرتاي قايرات ىرزاقۇل ۇلى 1982 جىلى قىزىلوردا وبلىسى قارماقشى اۋدانىندا دۇنيەگە كەلگەن.
2004 جىلى قانىش ساتپاەۆ اتىنداعى قازاق ۇلتتىق تەحنيكالىق ۋنيۆەرسيتەتىن ينجەنەر-مەحانيك, 2006 جىلى دىنمۇحامەد قوناەۆ اتىنداعى ۋنيۆەرسيتەتىن زاڭتانۋ ماماندىقتارىن ءتامامداپ, 2019 جىلى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن ءبىتىرىپ مەملەكەتتىك جانە مۋنيتسيپالدىق باسقارۋ ماگيسترى عىلىمي دارەجەسىن العان.
ەڭبەك جولىن 2004 جىلى قر مەملەكەتتىك قىزمەت ىستەرى اگەنتتىگىنىڭ مەملەكەتتىك قىزمەتتى كادرلىق قامتاماسىز ەتۋ دەپارتامەنتىنىڭ جەتەكشى مامانى رەتىندە باستاعان.
