«تاعى ءبىر باعىت – ازاماتتاردىڭ جەكەلەگەن ساناتتارىن جۇمىسقا ورنالاستىرۋ جانە ءوز ءىسىن اشۋعا مەملەكەتتىك قولداۋ كورسەتۋ. ونىڭ ىشىندە ماقساتتى توپتارعا ءتيىمدى جانە تۇراقتى جۇمىس ورنىن اشاتىن مەكەمەلەرگە مەملەكەتتىك سۋبسيديا ءبولۋ كوزدەلگەن. بيىل وسىنداي 100 مىڭ جۇمىس ورنى جوسپارلانىپ, وعان بيۋدجەتتەن 77 ميلليارد تەڭگە قاراجات ءبولىندى. جەرگىلىكتى اتقارۋشى ورگانداردىڭ دەرەگىنشە, بۇگىنگە دەيىن 84,4 مىڭ ازامات وسىنداي جۇمىسقا تارتىلدى», دەدى تامارا دۇيسەنوۆا ۇكىمەت وتىرىسىندا.
سونىمەن بىرگە حالىقتىڭ الەۋمەتتىك وسال توپتارى مەن جاستاردىڭ كاسىپكەرلىك باستامالارىن قولداۋ دا قاراستىرىلعان. وسىنداي 20 مىڭ گرانتتى قارجىلاندىرۋعا بيۋدجەتتەن 25,8 ميلليارد تەڭگە كوزدەلگەن. قازىرگە دەيىن 1400-دەن استام ازامات گرانت يەگەرى اتانعان.
«تەحنولوگيالاردىڭ دامۋ قارقىنىن ەسكەرە وتىرىپ, جۇمىس كۇشىنىڭ بىلىكتىلىگى مەن ماشىعىن ۇنەمى جەتىلدىرۋ دە مەملەكەت نازارىندا. جۇمىس بەرۋشىلەردىڭ تالابىنا سايكەس, بيىل 36 مىڭ ادامدى وقىتۋ جانە قايتا دايارلىقتان وتكىزۋ جوسپارلانعان. قازىردىڭ وزىندە 9 مىڭنان استام ازامات بۇل مۇمكىندىكتى پايدالانىپ ۇلگەردى. ودان بولەك بوس جۇمىس ورىندارىنا جولداما بەرىلەدى. بۇل شارا ەلەكتروندى ەڭبەك بيرجاسىنىڭ بازاسىندا جۇرزىلۋدە. بيىلعى مەجە – 350 مىڭ, سونىڭ ىشىندە 91 مىڭ ادام وسى ءتاسىل بويىنشا جۇمىسقا ورنالاستى. جوعارىدا اتاپ وتكەن مەملەكەتتىك قولداۋ شارالارى اياسىندا بيىل 500 مىڭنان اسا ادامدى جۇمىسپەن قامتۋ كوزدەلگەن», دەدى ەڭبەك ءمينيسترى.
