كورولەۆامەن بىرگە ونىڭ وتباسى مۇشەلەرى - چارلز بەن جۇبايى كورنۋولل گەرتسوگينياسى كاميللا, حانزادا ۋيليام مەن كەمبريدج گەرتسوگينياسى كەترين ءۇش بالاسىمەن قاتىستى.
بۇل جولى اشىق جاسىل كيىنىپ, ادەمى تاياق ۇستاعان 96 جاستاعى پاتشايىم زالدان ك ۇلىمسىرەپ شىقتى. ول يۋنيون دجەكتىڭ تۋىن قولىنا العاندا جينالعان قاۋىم شاپالاقتاپ, ءماز بولىستى.
ەليزاۆەتا ءىى مەرەيتويعا وراي وزىنە كورسەتىلگەن قۇرمەتكە ريزا ەكەندىگىن جەتكىزدى.
ايتا كەتەيىك, بۇل مونارحتىڭ مەرەيتويى كەزىندە بالكونعا ءۇشىنشى رەت شىعۋى ەدى. بۇعان دەيىن ول وتباسىمەن بىرگە ۇشىپ بارا جاتقان ۇشاقتى باقىلاعان. ال بەيسەنبى كۇنى ء«تۇرلى ءتۇستى» اسكەري شەرۋدەن ورالعان ساربازداردىڭ وتشاشۋىن تاماشالدى. سول كۇنى كەشكە ول ۆيندزور قامالىنداعى ماياكتى جاعۋ راسىمىنە دە قاتىسقان ەدى.
جەكسەنبى كۇنگى بالكونعا شىعۋ راسىمىمەن مەرەيتوي كەشى ادەمى اياقتالدى. بۇعان دەيىن ونىڭ قۇرمەتىنە ارنالعان حالىقتىق بايقاۋعا قاتىسۋ ءۇشىن لوندوننىڭ ورتالىق كوشەلەرىنە 6 مىڭ ادام شىققان.
3 شاقىرىمدىق جولدى ۇلىبريتانيانىڭ اسكەري قىزمەتكەرلەرى, سۋرەتشىلەرى, نەگىزگى جۇمىسشىلارى مەن ەرىكتىلەرى ءجۇرىپ ءوتتى. وسىدان 70 جىل بۇرىن وتكەن ءتاج كيگىزۋ ءراسىمىن قايتا جاسادى. ال كارناۆال شەرۋى ۆەستمينستەر كوشەلەرىمەن, ساۋدا ورتالىعى مەن بۋكينگەم سارايىنا دەيىن جەتتى.
گۇلدانا ەلۋباي
