ر.نادال فينالدا نورۆەگيالىق كاسپەر رۋدتى 6:3, 6:3, 6:0 ەسەبىمەن ۇتتى. وسىلايشا, يسپانيالىق سپورتشى فرانتسيا اشىق چەمپيوناتىن ون ءتورتىنشى رەت ۇتىپ, توپىراق توسەنىشىندەگى ءوزىنىڭ تەڭدەسى جوق تەننيسشى ەكەندىگىن دالەلدەدى. ول ەرلەر اراسىندا رولان گارروس ءتۋرنيرىنىڭ ەڭ جاسى ۇلكەن جەڭىمپازى بولدى.
جارىس بارىسىندا نادال ۇزدىك وندىققا كىرەتىن ءتورت ويىنشىنى, سونىڭ ىشىندە الەمنىڭ 1-راكەتكاسى, سەربيالىق نوۆاك دجوكوۆيچتى جولدان تايدىردى. وسىمەن, «ۇلكەن دۋلىعا» تۋرنيرلەرىن 22 رەت ۇتقان ر.نادال سپورتتىق جولىن جالعاستىراتىنىن مالىمدەدى.
ءبىر جىلدا ول اۋستراليا جانە فرانتسيا اشىق چەمپيوناتىندا ۇزدىك شىقتى. ايەلدەر اراسىندا الەمنىڭ ءبىرىنشى راكەتكاسى, پولشا وكىلى يگا سۆەنتەك رولان گارروس دوداسىنىڭ ەكى دۇركىن جەڭىمپازى اتاندى. ول 35 ماتچ بويى جەڭىلمەي كەلەدى. بۇل جونىنەن امەريكالىق ۆينۋس ءۋيليامستى قۋىپ جەتتى.
رولان گارروس جارىسىندا قازاقستاننان ەلەنا رىباكينا ءۇشىنشى اينالىمعا دەيىن جەتىپ, بىلتىرعى كورسەتكىشىن (شيرەك فينال) قايتالاي المادى.
