«بۇگىن ءبىز جىلدىڭ ەڭ ماڭىزدى ساياسي وقيعاسىنىڭ كۋاسى بولىپ وتىرمىز. ءسىم ءوز وكىلەتتىكتەرى شەڭبەرىندە بۇگىندە وتانىنان تىس جەرلەردەگى قازاقستاندىقتاردىڭ ءوز سايلاۋ قۇقىعىن ىسكە اسىرۋىنا قاجەتتى جاردەم كورسەتەدى. سونىمەن قاتار, ءسىم بۇگىنگى رەفەرەندۋمداعى داۋىس بەرۋ بارىسىن حالىقارالىق باقىلاۋعا جاعداي جاسايدى», دەدى سىرتقى ىستەر ءمينيسترىنىڭ ورىنباسارى رومان ۆاسيلەنكو.
سپيكەر 52 شەت مەملەكەتتە داۋىس بەرۋگە ارنالعان 65 ۋچاسكە اشىلعانىن ەسكە سالدى.
رەفەرەندۋم وتكىزىلەتىن كۇنى شەتەلدەگى داۋىس بەرۋشىلەردىڭ تىزىمىنە ءبىزدىڭ 11 350 ازاماتىمىز ەنگىزىلدى. نۇر-سۇلتان ۋاقىتىمەن 19:00-دەگى جاعداي بويىنشا شەتەلدە 5100-گە جۋىق وتانداسىمىز داۋىس بەرىپ ۇلگەردى, بۇل ءتيىستى تىزىمدەرگە ەنگىزىلگەن سايلاۋشىلار سانىنىڭ 45%-ىن قۇرايدى», دەدى رومان ۆاسيلەنكو.
ونىڭ ايتۋىنشا, ازيادا, قىتاي, كورەيا, جاپونيا جانە باسقا ەلدەردە ورنالاسقان ۋچاسكەلەر ءوز جۇمىسىن اياقتاپ, داۋىستاردى ساناۋعا كىرىستى. ولاردىڭ كەيبىرەۋلەرىنە كەلۋ 100% قۇرادى.
ۆاشينگتون, نيۋ-يورك, وتتاۆا جانە برازيليا سياقتى قالالارداعى ۋچاسكەلەر ەكى ساعات بۇرىن اشىلدى جانە ءالى توعىز ساعات جۇمىس ىستەيدى
«داۋىس بەرۋ ناتيجەلەرى شىعارىلعاننان كەيىن قورىتىندى قۇجاتتاردىڭ تۇپنۇسقالارى كەيىننەن ءبىزدىڭ شەتەلدەگى بارلىق رەفەرەندۋم ۋچاسكەلەرىمىز تىركەلگەن «ەسىل» اۋدانىنىڭ سايلاۋ كوميسسياسىنا بەرۋ ءۇشىن ءسىم-گە جەدەل جەتكىزىلەدى», دەپ قوستى رومان ۆاسيلەنكو.
