«البەتتە, رەفەرەندۋم بارىسىندا سايلاۋشىلاردان قولعا الىنعان وزگەرىستەرگە قالاي قارايتىندارى سۇراپ بىلگەن ەدىك. كوپشىلىگى ەلدىڭ تۇراقتى دامۋىن قالايتىندارىن ايتتى. ويتكەنى, كەلەر ۇرپاق ءوز بولاشاقتارىن قازاقستانمەن بايلانىستىرسا ەكەن دەگەن تىلەكتەرىن ءبىلدىردى. ءسوزسىز, ادامداردىڭ قولايلى ءومىر ءسۇرۋ ءۇشىن ءبىرىنشى كەزەكتى الەۋمەتتىك-ەكونوميكالىق جاعدايدى جاقسارتۋ قاجەت. پارلامەنتتە, سونداي-اق ورتالىق سايلاۋ كوميسسياسىندا كەزدەسۋلەر وتكىزىلىپ, ءبىزدىڭ دەلەگاتسيا كونستيتۋتسياداعى وزگەرىستەردى دايىنداعان ماماندارمەن پىكىر الماسۋعا مۇمكىندىك الدى. بۇدان تۇيگەنىمىز, مەملەكەت جىلدىڭ باسىندا ورىن العان قاسىرەتتى وقيعالاردى بولدىرماۋعا قام- قارەكەت جاساپ وتىر.
پرەزيدەنت قاسىم-جومارت توقاەۆ ءوزىنىڭ بۇگىنگى سۇحباتتارىندا دا بۇل رەفەرەندۋمدى وتكىزۋدەگى باستى ماقسات – ەلدىڭ ورنىقتى دامۋىن قامتاماسىز ەتۋ ەكەنىن باسا ايتقان ەدى. ەل بيلىگىنىڭ حالىقتىڭ وركەندەۋىنە قاجەتتى باستامالاردى دەر كەزىندە كوتەرە ءبىلۋى قۋانتارلىق جاعداي. ونىڭ ايعاعى بۇگىنگى كونستيتۋتسيالىق رەفەرەندۋم دەپ ايتۋعا نەگىز بار. تاعى دا ءبىر ايتا كەتەرلىگى, بۇل اۋقىمدى وزگەرىستى وتكىزبەس بۇرىن پارلامەنت دەپۋتاتتارى جانە قوعام وكىلدەرى ەلدىڭ وڭىرلەرىندە بولىپ, حالىقپەن ءتۇسىندىرۋ جۇمىستارىن جۇرگىزىپ, ولاردىڭ ۇسىنىس-تىلەكتەرىن قانىققانى قۋانتادى ارينە. ونىڭ ناتيجەسىندە حالىق ناقتى قالايتىن وزگەرىستەردى تالداپ, انىقتاۋعا جول اشىلدى», دەدى تمد پارلامەنتارالىق اسسامبلەياسى, رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ كونستيتۋتسيالىق زاڭناما جانە مەملەكەتتىك قۇرىلىس جونىندەگى كوميتەتىنىڭ مۇشەسى ولەگ تسەپكين.
