جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى قۇقىق قورعاۋ, تابيعات قورعاۋ ورگاندارىنىڭ جانە ۇقك شەكارا قىزمەتىنىڭ وكىلدەرىمەن بىرگە تابيعات قورعاۋ زاڭناماسى بۇزىلعان 1231 دەرەكتى انىقتادى. بالىق قورعاۋ زاڭدىلىعىن بۇزعان 895 ادام اكىمشىلىك جاۋاپكەرشىلىككە تارتىلدى. سونداي-اق 63 ءىس سوتقا جولدانىپ, براكونەرلىك دەرەگىمەن 54 قىلمىستىق ءىس قوزعالدى. زاڭ بۇزۋشىلارعا جالپى سوماسى 19,7 ميلليون تەڭگەدەن استام ايىپپۇل سالىنعان.
«زاڭسىز بالىق اۋلاۋشىلاردان 21 توننا بالىق تاركىلەندى. ونىڭ ىشىندە 1 852 كەلى بەكىرە تۇقىمداس بالىق تۇرلەرى, 755 گرامم بەكىرە تۇقىمداس بالىق ۋىلدىرىعى بار. سۋ ايدىندارىنان 621 بالىق اۋلاۋ قۇرالى, 140 سۋ كولىگى الىندى», دەيدى جايىق-كاسپي وبلىسارالىق بالىق شارۋاشىلىعى ينسپەكتسياسىنىڭ باس مامانى تەمىرحان وڭايباەۆ.
ونىڭ ايتۋىنشا, كۇن سايىن وزەن ارناسى مەن تەڭىز اكۆاتورياسى تەكسەرىلىپ, جالپى ۇزىندىعى 22 شاقىرىمعا جەتەرلىك 2 139 بالىق اۋلاۋ قۇرالدارى الىندى. بۇل بالىقتاردىڭ ۋىلدىرىق شاشۋ ورتاسىنا كەدەرگىسىز وتۋىنە ىقپال ەتكەن.
ايانا توعانبەك
