اتالعان قىزمەتكە مارات قۇرمانباەۆ تاعايىندالدى. ول 1963 جىلى قىزىلوردا وبلىسىندا دۇنيەگە كەلگەن.
جامبىل گيدرو مەليوراتيۆتىك-قۇرىلىس ينستيتۋتىن «ينجەنەر-گيدروتەحنيك» ماماندىعى بويىنشا تامامداعان.
ەڭبەك جولىن 1980 جىلى «قىزىلورداۆودستروي» ترەسىنە قاراستى پمك-9 مەكەسىندە جۇمىسشى بولىپ باستاعان. اتالعان مەكەمەدە 1990 جىلعا دەيىن بريگادير, وندىرىستىك جوسپارلاۋ ءبولىمىنىڭ ينجەنەرى, گيدروتەحنيكالىق قۇرىلىس جونىندەگى ماستەرى قىزمەتتەرىن اتقارعان.
ال مەملەكەتتىك قىزمەتتەگى ەڭبەك جولىن ەڭ تومەنگى ساتىدان باستاپ, كاسىبي بىلىكتىلىگى مەن جوعارى ۇيىمداستىرۋشىلىق قارىم-قابىلەتى ارقىلى قىزىلوردا وبلىستىق تابيعات قورعاۋ كوميتەتى جالاعاش اۋداندىق باسقارماسىنىڭ باسشىسى, ارال-سىرداريا ەكولوگيا دەپارتامەنتىنىڭ مەملەكەتتىك ەكولوگيالىق ينسپەكتسيا ءبولىمىنىڭ باستىعى, وبلىستىق قورشاعان ورتانى قورعاۋ باسقارماسى باستىعىنىڭ ورىنباسارى - باس مەملەكەتتىك ەكولوگيالىق ينسپەكتورى قىزمەتىنە دەيىن ساتى-ساتىسىمەن, مانساپتىق ءوسۋ قاعيداتىمەن كوتەرىلگەن.
ەكولوگيا سالاسىنىڭ مايتالمانى رەتىندە ول 2013-2014 جىلدارى قورشاعان ورتانى قورعاۋ جانە سۋ رەسۋرستارى مينيسترلىگىندە ەكولوگيالىق رەتتەۋ جانە باقىلاۋ كوميتەتىنىڭ قىزىلوردا وبلىسى بويىنشا ەكولوگيا دەپارتامەنتىنىڭ باسشىسى, 2015-2019 جىلعا دەيىن ەنەرگەتيكا مينيسترلىگىندە مۇناي گاز كەشەنىندەگى ەكولوگيالىق رەتتەۋ, باقىلاۋ جانە مەملەكەتتىك ينسپەكتسيا كوميتەتىنىڭ قىزىلوردا وبلىسى بويىنشا ەكولوگيا دەپارتامەنتىنىڭ باسشىسى بولدى.
ال 2019 جىلدىڭ تامىز ايىنان باستاپ ەكولوگيا, گەولوگيا جانە تابيعي رەسۋرستار مينيسترلىگىندە ەكولوگيالىق رەتتەۋ جانە باقىلاۋ كوميتەتىنىڭ قىزىلوردا, جامبىل وبلىستارى بويىنشا دەپارتامەنتى باسشىسى قىزمەتتەرىن اتقارعان.
