«قازىر بۇكىل الەم جاھاندىق كليماتتىڭ وزگەرۋ قاۋپىنە تاپ بولىپ وتىر. كليماتتىڭ وزگەرۋى ەنەرگەتيكانى دامىتۋ سالاسىنداعى الەمدىك ساياساتقا اسەرىن تيگىزدى. كومىر سالاسىنا ەكونوميكالىق قىسىم كۇشەيە تۇسۋدە. الەمدىك ءىرى قارجى ينستيتۋتتارى جاسىل تەحنولوگيالاردى قولداپ, كومىرمەن بايلانىستى جوبالاردان تولىق باس تارتتى. بۇل جاڭارتىلاتىن ەنەرگيا كوزدەرى تەحنولوگيالارىنىڭ باسەكەگە قابىلەتتىلىگىن ارتتىرىپ جاتىر. جاڭارتىلاتىن ەنەرگيا كوزى نىساندارىن سالۋ جانە پايدالانۋدىڭ قۇنى سوڭعى 10 جىلدا كومىردەن 3 ەسە تومەندەدى», دەدى سەرىكقالي برەكەشەۆ ەلوردادا ءوتىپ جاتقان «ECOJER» ءىى حالىقارالىق ەكولوگيالىق كونگرەسىندە.
ءمينيستردىڭ ايتۋىنشا, ەلىمىزدە جاڭارتىلاتىن ەنەرگيا كوزدەرىن پايدالانۋ اياسىن جىل سايىن كەڭەيتۋ كەرەك.
«جىل ساناپ كومىرتەكتىك بەيتاراپ ماقساتىن ۇستانىپ, سايكەسىنشە كومىردەن باس تارتىپ جاتقان ەلدەردىڭ قاتارى ارتىپ كەلەدى. بۇل باستاماعا قازاقستان دا قوسىلدى. بۇل ءبىز ءۇشىن باستى مىندەت. بۇگىندە مەملەكەت باسشىسىنىڭ تاپسىرماسى بويىنشا 2060 جىلعا دەيىن كومىرتەگى بەيتاراپتىعىنا قول جەتكىزۋ ستراتەگياسى پىسىقتالىپ جاتىر. قالدىق تاستاۋدى بارىنشا ازايتۋدا قازاقستاندى جاڭارتىلاتىن ەنەرگيا كوزدەرىن پايدالانۋدى كەڭەيتۋ, ەنەرگيا تيىمدىلىگىن ارتتىرۋ جانە بيووتىن مەن سۋتەككە كوشۋ بويىنشا ەلەۋلى وزگەرىستەر كۇتىپ تۇر», دەيدى ول.
ايتا كەتەيىك, بۇگىن ەلوردادا «ECOJER» ءىى حالىقارالىق ەكولوگيالىق كونگرەسى ءوتىپ جاتىر.
