31-ءشى مامىردا پروفەسسور ۆاديم كاپۋللەر مەن سايد يبراگيم وبلىستىق بالالار اۋرۋحاناسىندا, وبلىستىق ونكولوگيا ديسپانسەرىنىڭ بازاسىندا پروفەسسور رافاەل ميللەر, ماكسيم سوكولوۆ جانە لەۆ گۋرەۆيچ جەرگىلىكتى ماماندارعا شەبەرلىك ساعاتىن وتكىزدى.
ايتا كەتسەك, اتالعان شەبەرلىك ساعاتتارى 5-ءشى ماۋسىمعا دەيىن جالعاسادى.
شەتەلدىك ماماندار جەرگىلىكتى دارىگەرلەرمەن بىرلەسىپ جوعارعى تەحنولوگيالىق وپەراتسيا جاساپ, تۇرعىندارعا تەگىن كەڭەس بەرۋدى جوسپارلاپ وتىر.
«ادام بالاسى ءۇشىن ءبىرىنشى بايلىق – دەنساۋلىق. تۇرعىندار ءۇشىن ساپالى مەديتسينا قىزمەتتەرى قولجەتىمدى بولۋى ءتيىس. بۇل جولدا اتقاراتىن جۇمىستار بارشىلىق. ماسەلەن, جەرگىلىكتى مامانداردىڭ ءبىلىمىن شىڭداۋ, سالاعا بىلىكتى مامانداردى تارتۋ, زاماناۋي تەحنولوگيالارمەن قامتاماسىز ەتۋ شارالارى ارتا بەرەدى. وسى جولى جوسپارلانعان شارا اياسىندا اتىراۋلىق اق حالاتتىلار قاجەتتى اقپارات الىپ, تاجىريبە جينايدى دەپ ۇمىتتەنەمىن», دەدى س.شاپكەنوۆ.
ايتا كەتسەك, جالپى وقۋ باعدارلاماسى اياسىندا وبلىس بويىنشا 1 000-عا جۋىق مەديتسينا قىزمەتكەرىن وقىتۋ ماسەلەسى كۇن تارتىبىندە تۇر.
بۇعان دەيىن 17-21 مامىر ارالىعىندا اتىراۋ وبلىستىق پەريناتالدىق ورتالىعىندا يزرايلدەن كەلگەن پروفەسسور يليا ءروزيننىڭ وتكىزگەن سەمينارىنا قالا جانە اۋدانداردان 40 مامان قاتىسىپ, ونىڭ 34-ءى سەرتيفيكات العان ەدى.
