كوكپەكتىگە كوكپەكتىلىكتەردەن كومەك

قاراعاندىنىڭ تاسقىننان زارداپ شەككەن كوكپەكتى اۋىلىنا شىعىسقازاقستاندىقتاردىڭ «كومەك كەرۋەنى» جونەلتىلدى. كوكپەكتىلىكتەرگە كومەك رە­تىندە ازىق-ت ۇلىك, كيىم-كەشەك پەن قۇرىلىس ماتەريالدارىنان بولەك 300 باس ۇساق مال ۇلەستىرىلدى. ءوڭىر باسشىسى بەردىبەك سا­پارباەۆ «تابيعاتتان زارداپ شەككەن كورشىلەرىمىزگە كومەك قولىن سوزۋ – ءبىزدىڭ پارىزىمىز. بىزدە دە سۋ جايىلعان كەزدە قاراعاندىلىقتار كومەگىن اياپ قالماعانىن جاقسى بىلەسىزدەر» دەگەن ەدى. كەرۋەندى قۇرۋ كەزىندە اپاتتان زارداپ شەككەن كوكپەكتى اۋىلى تۇرعىندارىنىڭ بارلىق قاجەتتىلىكتەرى الدىن-الا زەرت­تەلىپ, ەسەپكە الىندى. اتالعان كەرۋەندى تاسقىنعا ۇشىراعان ەلدى مەكەنمەن اتتاس شىعىس قازاقستان وبلىسى كوكپەكتى اۋدانىنىڭ اكىمى دۇيسەنعازى مۋسين باستاپ باردى. ايتا كەتەلىك, وسىدان ءتورت جىل بۇرىن بۇل اۋدان دا تاسقىنمەن بەتپە-بەت كەلىپ, تابيعي اپات سالدارىن تۇكپىر-تۇكپىردەن جەتكەن كومەكتىڭ ارقاسىندا ەڭسەرگەن ەدى. كوكپەكتى جۇرتىنىڭ باس­پانالارىن قالپىنا كەلتىرۋ ماقساتىندا شىعىس­قازاق­ستان­دىق­تار زارداپ شەگۋشىلەرگە 15 جۇك ماشينالارىنا تيەلگەن 20 توننا ۇن, بيداي, جارما, كارتوپ پەن كۇنباعىس مايى, 300 باس ۇساق مال, 25 تەكشە مەتر تاقتاي, 20 توننا تسەمەنت جەت­كىزدى. 2,5 ملن. تەڭگەنىڭ توسەك جابدىقتارى مەن جۋىنۋ-جۋ زاتتارى دا كوكپەكتىلىكتەرگە كومەك رەتىندە ۇسىنىلدى. كە­رۋەنشىلەر سونداي-اق كاسىپ­كەر­لەر مەن شارۋا قوجا­لىق­تارىنىڭ جەتەكشىلەرى تاراپىنان بولىنگەن 2 ميلليون تەڭگە قاراجاتتى تابىس ەتتى. دۋمان اناش, «ەگەمەن قازاقستان». شىعىس قازاقستان وبلىسى.