«30 مامىردا پوليتسيا بولىمىنە جەرگىلىكتى تۇرعىنعا قاتىستى شارا قابىلداۋ تۋرالى ارىز ءتۇستى. ارىز تۇسىرگەن ايەلدىڭ ايتۋىنشا, ول ۇيلەردىڭ ءبىرىنىڭ اۋلاسىندا 2012 جىلى تۋعان ۇلىنا دەنە جاراقاتىن سالعان», دەپ ءتۇسىندىردى اقمولا وبلىسى پد ءباسپاسوز قىزمەتى.
پوليتسەيلەر ويىن الاڭىندا ويناپ جۇرگەن بالالار اراسىندا جانجال تۋىنداعانىن انىقتادى. ناتيجەسىندە ۇلداردىڭ ءبىرى اكەسىنە شاعىمدانعان. ەر ادام ۇلىن قورلاعان بالاعا جاقىنداپ بارىپ, بەتىنەن ۇردى.
دەنساۋلىققا كەلتىرىلگەن زياننىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندالدى.
اتالعان فاكتى بويىنشا, قر قك 107-بابى, 2-بولىگى, 8-تارماعى «كورىنەۋ كامەلەتكە تولماعان ادامعا قاتىستى دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا سوتقا دەيىنگى تەرگەۋ جۇرگىزىلىپ جاتىر.
سوتقا دەيىنگى تەرگەۋ جالعاسۋدا.
