ءىس-شاراعا استانا IT ۋنيۆەرسيتەتىنىڭ وقىتۋشىلارى, قىزمەتكەرلەرى, سونداي-اق ستۋدەنتتەرى قاتىستى. وفلاين فورماتتا ۇيىمداستىرىلعان جيىنعا سەنات دەپۋتاتتارى ۆلاديمير ۆولكوۆ, قاناتبەك سافينوۆ, اندرەي لۋكين قاتىستى. دەپۋتاتتار كونستيتۋتسياعا ۇسىنىلىپ وتىرعان وزگەرىستەر مەن تولىقتىرۋلاردىڭ ءمان-ماعىناسىن ءتۇسىندىردى.
ماسەلەن, جاڭا كونستيتۋتسيادا پرەزيدەنت جاقىندارىن باسشىلىق قىزمەتتەرگە تاعايىنداۋعا شەكتەۋ قويۋ ۇسىنىلعان. ياعني سۋپەرپرەزيدەنتتىك باسقارۋدان مىقتى پارلامەنتى بار پرەزيدەنتتىك جۇيەگە كوشۋگە ناقتى قادام جاسالىپ وتىر. سونداي-اق ءماجىلىس نەمەسە ءماسليحات دەپۋتاتى سايلاۋىنا پارتياعا مۇشە بولماي-اق ۇمىتكەر رەتىندە قاتىسا الادى.
سونىمەن قاتار تاريح عىلىمدارىنىڭ دوكتورلارى, Astana IT ۋنيۆەرسيتەتى قوعامدىق عىلىمدار كافەدراسىنىڭ پروفەسسورلارى نۇربەك شاياحمەتوۆ پەن ساۋلە مامىتوۆا رەسپۋبليكالىق رەفەرەندۋمنىڭ تاريحي ماڭىزى مەن مانىنە توقتالدى. ۋنيۆەرسيتەتتىڭ ستۋدەنت جاستارى اتىنان استانا ءىت ۋنيۆەرسيتەتىنىڭ 1-كۋرس ستۋدەنتى باتىرحان بەيسەمبەكوۆ ءسوز سويلەدى.
جيىن سوڭى سۇراق-جاۋاپ فورماتىندا ءوربىدى. سەناتورلار ستۋدەنتتەرگە پارلامەنت عيماراتىندا تاعىلىمدامادان ءوتۋدى ۇسىندى. بايانداماشىلاردى ۇيىپ تىڭداعان جاستار سۇراقتارىن جاۋدىردى. اسىرەسە قازاقستانعا سۋپەرپرەزيدەنتتىك باسقارۋعا كوشۋدىڭ ماڭىزىن, مەملەكەت باسشىسى قانداي وكىلەتتىگىنەن باس تارتۋدىڭ ءمان-ماعىناسىن سۇرادى.
«ستۋدەنتتەر ومىردە وتە بەلسەندى پوزيتسيا ۇستانادى. وتە وتكىر سۇراقتار قويادى. ولاردى ىڭعايسىز دەپ ايتپاس ەدىم, ساۋالدارى شىنايى, اشىق. وسى سۇراقتاردان اۋديتوريانىڭ پىكىرتالاسقا بەلسەندى قاتىسقانىن, جاستاردىڭ جانىپ تۇرعان كوزىن كوردىم. ولاردىڭ رەفەرەندۋمعا كەلىپ, ءوز تاڭداۋىن جاسايتىنىنا سەنىمدىمىن», دەدى ا.لۋكين.
