اۋىل شارۋاشىلىعى مينيسترلىگىنىڭ رەسمي مالىمەتىنە سۇيەنسەك, وسى جىلى مال شارۋاشىلىعىن سۋبسيديالاۋعا شامامەن 124,6 ملرد تەڭگە باعىتتالادى. بۇل سالادا سۋبسيديالاۋدىڭ 30-عا جۋىق باعىتى كوزدەلىپ وتىر. بىلتىر اسىل تۇقىمدى مال شارۋاشىلىعىن دامىتۋعا, مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋعا وڭىرلەر 108,1 ملرد تەڭگە جۇمسادى. رەسپۋبليكالىق بيۋدجەتتەن قوسىمشا 13,6 ملرد تەڭگە ءبولىندى. وسىلايشا, مال شارۋاشىلىعىن دامىتۋعا 121,7 ملرد تەڭگە باعىتتالدى. 35 مىڭ اگروونەركاسىپ سۋبەكتىسى ونىڭ يگىلىگىن كوردى. سۋبەكتىلەردىڭ 70 پايىزدان استامى شاعىن جانە ورتا شارۋاشىلىقتار.
بۇل رەتتە سۋبسيديالاردىڭ جالپى كولەمىنەن 59,1 ملرد تەڭگە اسىل تۇقىمدى مال شارۋاشىلىعىن دامىتۋعا باعىتتالعان. ونىڭ ىشىندە تاۋارلى جانە اسىل تۇقىمدى ءىرى قارا مالدىڭ انالىق باسىمەن سەلەكتسيالىق جانە اسىل تۇقىمدىق جۇمىس جۇرگىزۋگە – 17,2 ملرد تەڭگە, وتاندىق اسىل تۇقىمدى ءىرى قارا مال ساتىپ الۋعا – 15,9 ملرد تەڭگە, شەتەلدىك اسىل تۇقىمدى ءىرى قارا مال ساتىپ الۋعا 8,8 ملرد تەڭگە جۇمسالدى. سونداي-اق بۇقاشىقتاردى كۇتىپ-باعۋعا – 1,8 ملرد تەڭگە, قويدىڭ تاۋارلىق جانە اسىل تۇقىمدى انالىق باسىمەن سەلەكتسيالىق جانە اسىل تۇقىمدىق جۇمىس جۇرگىزۋگە – 10,7 ملرد تەڭگە, اسىل تۇقىمدى قوي ساتىپ الۋعا – 2,3 ملرد تەڭگە, اسىل تۇقىمدى جىلقىلار مەن تۇيەلەردى ساتىپ الۋعا 61,7 ملن تەڭگە بولىنگەن. ءىرى قارا مال مەن قويدى قولدان ۇرىقتاندىرۋ قىزمەتتەرى ءۇشىن 430,9 ملن تەڭگە, شوشقالاردىڭ انالىق باسىمەن سەلەكتسيالىق جانە اسىل تۇقىمدىق جۇمىس جۇرگىزۋگە – 1,6 ملرد تەڭگە, بال ارا ۇيالارىمەن سەلەكتسيالىق جانە اسىل تۇقىمدىق جۇمىس جۇرگىزۋگە 263 ملن تەڭگە جۇمسالعان.
«مال شارۋاشىلىعى ونىمدەرى ءوندىرىسىنىڭ قۇنىن ارزانداتۋعا 62,6 ملرد تەڭگە باعىتتالدى. ونىڭ ىشىندە ءسۇت وندىرىسىنە – 18,9 ملرد تەڭگە, قۇس ەتىن وندىرۋگە – 17 ملرد تەڭگە, بورداقىلاۋ الاڭدارى مەن ەت كومبيناتتارىنا ساتىلعان بۇقاشىقتارعا – 4,9 ملرد تەڭگە, جۇمىرتقا وندىرىسىنە – 3,9 ملرد تەڭگە, قىمىز جانە شۇبات وندىرىسىنە – 534,3 ملن تەڭگە, بورداقىلاۋ الاڭدارىنا جانە ەت كومبيناتتارىنا ساتىلعان قوشقارلارعا 227,7 ملن تەڭگە ءبولىندى. سونىمەن بىرگە اۋىل شارۋاشىلىعى جانۋارلارىنىڭ انالىق مال باسىنا ازىق قۇنىن ارزانداتۋ ءۇشىن 17,6 ملرد تەڭگە جۇمسالدى», دەپ حابارلادى ۆەدومستۆو.
بيىل وبلىس اكىمدىكتەرى اسىل تۇقىمدى مال شارۋاشىلىعىن دامىتۋدى, مال شارۋاشىلىعى ءونىمىنىڭ ونىمدىلىگى مەن ساپاسىن ارتتىرۋدى سۋبسيديالاۋعا 100,1 ملرد تەڭگە ءبولدى. سونىمەن قاتار رەسپۋبليكالىق بيۋدجەت كوميسسياسىنىڭ شەشىمىمەن مال شارۋاشىلىعىن سۋبسيديالاۋعا 24,5 ملرد تەڭگە سوماسىندا قوسىمشا قاراجات ءبولۋ تۋرالى تاپسىرىس ماقۇلداندى.
اسىل تۇقىمدى مال شارۋاشىلىعىن دامىتۋعا سۋبسيديالاردىڭ جالپى كولەمىنەن 68,2 ملرد تەڭگە باعىتتالدى. مال شارۋاشىلىعى ونىمدەرى ءوندىرىسىنىڭ قۇنىن ارزانداتۋعا 56,4 ملرد تەڭگە ءبولىندى. مەملەكەتتىك قولداۋ شارالارىمەن 35 مىڭنان استام اۋىل شارۋاشىلىعى تاۋارىن وندىرۋشىلەر قامتىلادى.
ايتا كەتۋ كەرەك, بىلتىر جازدا اۋىل شارۋاشىلىعى جانۋارلارىنىڭ انالىق باسىن ساقتاۋ ماقساتىندا جەمشوپ ساتىپ الۋ قۇنىن ارزانداتۋعا ۇكىمەت رەزەرۆىنەن ماڭعىستاۋ وبلىسىنا 1,2 ملرد تەڭگە, قىزىلوردا وبلىسىنا 1,7 ملرد تەڭگە بولىنگەن بولاتىن. قوسىمشا ماڭعىستاۋ وبلىسىنا ۇكىمەت رەزەرۆىنەن 663,8 ملن تەڭگە قاراستىرىلدى.
مال شارۋاشىلىعى سالاسىن مەملەكەتتىك قولداۋ شارالارىنىڭ ناتيجەسىندە بىلتىر 2020 جىلمەن سالىستىرعاندا اگروقۇرىلىمداردا ءىرى قارا مالدىڭ سانى 8,1 پايىزعا ارتىپ, 3 904,2 مىڭ باستى قۇرادى, قوي 8,3 پايىزعا كوبەيىپ, 9 187,1 مىڭ باسقا جەتتى, جىلقى 14,9 پايىزعا ءوسىپ, 1 949,7 مىڭ باستى قۇرادى. تۇيە 8,8 پايىزعا (121,6 مىڭ باسقا), شوشقا 4,2 پايىزعا (341,1 مىڭ باسقا), قۇستار 13,7 پايىزعا (35,8 ملن باسقا) كوبەيگەن.
مينيسترلىكتىڭ مالىمەتىنشە, سويۋعا ارنالعان سالماقتاعى ەت ءوندىرىسى 9,4 پايىزعا ارتىپ, 618,7 مىڭ توننانى, ءسۇت ءوندىرىسى 6,3 پايىزعا ءوسىپ, 1 799,8 مىڭ توننانى قۇراعان. بۇل رەتتە تاعامدىق جۇمىرتقا ءوندىرىسى 6,2 پايىزعا تومەندەپ, 3 562,5 ملن دانانى قۇراعانىن اتاپ وتكەن ءجون.
شەتەلدىك سەلەكتسيانىڭ اسىل تۇقىمدى ءىرى قارا مال باسىن اكەلۋ ەسەبىنەن بۇگىندە اسىل تۇقىمدى مال باسىنىڭ ۇلەسى ەداۋىر ارتىپ, جالپى ءىرى قارا مال باسىنىڭ 13 پايىزىنا تەڭ بولدى.
سونداي-اق مەملەكەتتىك قولداۋ شارالارى ەسەبىنەن 53 ينۆەستيتسيالىق جوبا ىسكە اسىرىلدى. ونىڭ ىشىندە 35 تاۋارلى-ءسۇت فەرماسى جانە 7 قۇس فابريكاسى بار. وسى جىلى 62 جوبانى ىسكە قوسۋ جوسپارلانىپ وتىر.
جالپى, بيىل اگروونەركاسىپتىك كەشەندى سۋبسيديالاۋدىڭ جالپى كولەمى 449 ملرد تەڭگەنى قۇراپ وتىر. بۇل 2021 جىلعى دەڭگەيدەن 20 پايىزعا ارتىق. قاراجات مال شارۋاشىلىعىن, وسىمدىك شارۋاشىلىعىن سۋبسيديالاۋعا, ينۆەستيتسيالىق سۋبسيديالاۋعا جانە كرەديتتەر مەن ليزينگ بويىنشا سىياقى مولشەرلەمەلەرىن سۋبسيديالاۋعا, عىلىمي زەرتتەۋلەردى قارجىلاندىرۋعا, فيتوسانيتاريالىق جانە ۆەتەريناريالىق قاۋىپسىزدىكتى قامتاماسىز ەتۋگە باعىتتالادى.
