بيىل ماڭعىستاۋ وبلىسىندا 7002 جاس تۇلەك مەكتەپ ءبىتىرىپ, سوڭعى قوڭىراۋ 142 جالپى ءبىلىم بەرۋ ۇيىمدارىندا وتكىزىلدى.
جاس تۇلەكتەر اۆتوكولىكتەرمەن شەرۋلەر ۇيىمداستىرىپ, جول-قوزعالىسى ەرەجەلەرىن بۇزعانى جونىندە الەۋمەتتىك جەلىلەرگە ءار ءتۇرلى سيپاتتاعى بەينەروليكتەر جاريالادى. قۇقىقبۇزۋشىلىق جاساعان اۆتوكولىك جۇرگىزۋشىلەرى انىقتالىپ, جول قوزعالىسى ەرەجەلەرىن بۇزعاندارى ءۇشىن 89 ادامعا قاتىستى بارلىعى 119 اكىمشىلىك ءىس قۇجاتتارى جيناقتالىپ, ونىڭ ىشىندە 35 اۆتوكولىك ارنايى ايىپتۇراقتارعا جابىلدى.
تۇلەكتەر جاساعان قۇقىقبۇزۋشىلىقتاردىڭ باسىم كوپشىلىگى كولىك تەرەزەسىنەن باسىن شىعارىپ, ءوز ومىرىنە قاۋىپ ءتوندىرۋ دەرەگى بولدى. بۇل ءۇشىن قر اقبتك-ءنىڭ 593-بابى 2-بولىگىمەن بارلىعى 55 اكىمشىلىك حاتتاما جاساقتالدى. سونداي-اق كولىك قۇرالدارىنىڭ پايدالانۋ قاعيدالارىن بۇزعان 17 جۇرگىزۋشى انىقتالىپ, ولارعا قاتىستى اقبتك-ءنىڭ 590-بابىنىڭ ءار ءتۇرلى بولىكتەرى بويىنشا جاۋاپكەرشىلىككە تارتىلدى. كولىكتى قۇجاتسىز باسقارعان نەمەسە مۇلدە جۇرگىزۋشى كۋالىكتەرى جوق 16 جۇرگىزۋشىگە قر اقبتك-ءنىڭ 612-بابى بويىنشا حاتتاما تولتىرىلسا, بەس جۇرگىزۋشىنىڭ كولىكتى باسقارا وتىرىپ, ساقتاندىرۋ پوليسىنە تىركەلمەگەنى انىقتالدى.
پوليتسيا تاراپىنان سان ءتۇرلى ەسكەرتۋلەردىڭ بولۋىنا قاراماستان, جاس تۇلەكتەر قۇقىقبۇزۋشىلىقتاردى سانالى تۇردە جاساپ, جول قوزعالىسى ەرەجەلەرىن ورەسكەل بۇزدى. وسىعان وراي ءتارتىپ ساقشىلارىنىڭ تاراپىنان دا بارلىق ءتيىستى شاراسى قابىلدانىپ, زاڭ اياسىندا بارلىق جۇرگىزۋشىلەر جاۋاپقا تارتىلدى.
