بيزنەستى قولداۋعا ارنالعان ميللياردتار

«بايتەرەك» ۇلتتىق باسقارۋشى حولدينگى مەن 13 وتاندىق بانك اراسىندا كەلىسىمگە قول قويىلدى, وعان سايكەس ۇلتتىق قوردان بولىنگەن تريلليون تەڭگەنىڭ 100 ميللياردى شاعىن جانە ورتا بيزنەستى قولداۋعا جۇمسالادى. ەكىنشى دەڭگەيلى بانكتەر اقشالاي ترانشتى 6 ايدا يگەرىپ بولۋى ءتيىس. بۇل ورايدا اڭگىمە جاڭا جوبالاردى عانا ەمەس, سونىمەن بىرگە, ەسكىلەردى ساۋىقتىرۋ جونىندە دە بولىپ وتىر. جوبالاردى تاڭداۋدا تاماق ونەركاسىبى كاسىپورىندارىنا نەگىزگى باسىمدىق بەرىلۋى ءتيىس. بانكتەر اقشالاي قارجىنى «بايتەرەك» ۇلتتىق باسقارۋشى حولدينگى مەن «دامۋ» قورىنان 20 جىل مەرزىمگە الادى. بانكتەر بولسا, وسى اقشالاي قارجىنى العان سوڭ جىلدىق 6 پايىزبەن 10 جىل مەرزىمگە نەسيەلەر بەرەدى. ماسەلەنى وعان قاتىسۋشىلار بىلايشا تۇسىندىرەدى: قۋاندىق بيشيمباەۆ, «ءباي­­تەرەك» ۇلتتىق باسقارۋشى حول­دين­­گى» اق-تىڭ باسقارما توراعاسى: – مەملەكەت باسشىسى نۇر­سۇلتان نازارباەۆتىڭ كورەگەن سايا­ساتىنىڭ ارقاسىندا قازاقستاننىڭ ۇلتتىق قورىنىڭ رەسۋرستارى وتان­دىق ونەركاسىپتى, اسىرەسە, تاماق جانە سۋسىندار وندىرىسىنە, سونداي-اق تىگىن, مەتاللۋرگيا سالاسى فارماتسەۆتيكا جانە باسقالاردى قولداۋعا باعىتتالادى. پرەزيدەنت ۇلتتىق قور قارجىلارى ۇزاق جانە جەتكىلىكتى دارەجەدە ارزان بولۋى ءتيىس دەگەن مىندەت قويدى. «بايتەرەك» حولدينگى مەن ونىڭ ەنشىلەس قۇرىلىمى «دامۋ» قورىنا وڭدەۋ ونەركاسىبىندەگى جوبالاردى جۇزەگە اسىرىپ جاتقان شاعىن جانە ورتا بيزنەستى دامىتۋعا بولىنگەن 100 ميلليارد تەڭگەنىڭ 50 ميلليارد تەڭگەسى جاڭا جوبالارعا, ونىڭ ىشىندە 25 ميللياردى تاماق ونىمدەرىن وندىرۋگە باعىتتالادى. قالعان بولىگى, ياعني 50 ميلليارد تەڭگە ولاردىڭ ودان ءارى تابىستى وندىرىستىك قىزمەتپەن اينالىسۋى ءۇشىن قازىرگى زاەمشىلاردى قايتا قارجىلاندىرۋعا جۇمسالماق. كاسىپكەرلەر بۇل قارجىنى قازىردىڭ وزىندە ەكىنشى دەڭگەيلى بانكتەردەن جىلدىق 6 پايىزبەن 10 جىل مەر­زىمگە الا الادى. بۇل ءبىزدىڭ ەلىمىزدە دە, تمد ەلدەرىندە دە بولىپ كور­مەگەن وتە ءتيىمدى جاعدايلار. وتاندىق 13 بانكپەن كەلىسىمگە قول قويۋ – بۇل مەملەكەت باسشى­سىنىڭ ەكونوميكاعا شۇعىل كو­مەك كورسەتۋ جانە ونىڭ 6-7 پايىز دەڭ­­گەيىندەگى جىلدىق ءوسىمىن قامتا­­ماسىز ەتۋ جونىندەگى تاپ­سىرماسىن جۇزەگە اسىرۋداعى العاشقى قادام. بۇل بۇتىندەي العاندا, ينۆەستيتسيالىق قىزمەتتى ىنتا­لان­دىرىپ, تۇپكى ناتيجەدە قازاق­ستاننىڭ الەمنىڭ دامىعان 30 ەلىنىڭ قاتارىنا ەنۋى ءۇشىن ماڭىزدى قادام بولىپ تابىلادى. ءلاززات يبراگيموۆا, «دا­مۋ» كاسىپكەرلىكتى دامىتۋ قورى» اق-تىڭ باسقارما ءتورايىمى: – بانكتەرگە وسى باعدارلاما شەڭبەرىندە قانداي دا ءبىر كوميسسيالار, ايىپپۇلدار, ءوسىمپۇلدار الۋعا تىيىم سالىنادى جانە بۇلار ۇلتتىق قور رەسۋرسى بولعاندىقتان ولار وتاندىق ونەركاسىپتى – تاماق, تىگىن, مەتاللۋرگيا, ماشينا جاساۋ سالالارىنا قولداۋ كورسەتۋگە باعىتتالادى. «دامۋ» شاعىن جانە ورتا بيزنەس وكىلدەرى نەسيەنى قاراستىرۋ بارىسىندا ارتىق كوميسسيا ءتو­لەمەۋى ءۇشىن بارلىق پروتسەدۋرا­لاردى ەگجەي-تەگجەيلى قاداعالايتىن بولادى. سونداي-اق, ءبىز بانكتەردى ىن­تالاندىرىپ, ولاردى قوسا قارجى­لاندىرامىز جانە جوبالارعا وزگە دە قوسىمشا رەسۋرستار تارتاتىن بولامىز. مۇرات نۇرعازين, «تسەس­نا­بانك» اق باسقارما توراعاسىنىڭ ورىنباسارى: – بۇل باعدارلاما بۇگىنگى كۇنى شوب كاسىپورىندارى ءۇشىن ۋاق­تىلى جانە پايدالى بولىپ وتىر, ول قازىرگى جاعدايدا كاسىپورىنداردىڭ باسەكەگە قابىلەتتىلىگىن ارتتىرۋعا, تاۋار سانىن كوبەيتۋگە جاعداي جاسايدى. وسىنداي قولداۋى ءۇشىن مەملەكەت باسشىسىنا راحمەت. شۋحرات سادىروۆ, «سبەر­بانك» اق باسقارما توراعاسى­نىڭ ورىنباسارى: – سبەربانك پەن «دامۋ» كاسىپ­كەر­لىكتى دامىتۋ قورى شاعىن جانە ورتا بيزنەس سۋبەكتىلەرىن قارجى­لاندىرۋ ءۇشىن 6 ملرد. تەڭگەگە كرەديتتىك كەلىسىمگە قول قويدى. نەسيەلەۋ شارتتارىنا سايكەس, بانك 6 اي ىشىندە بولىنگەن قارجىنى وڭدەۋ سالاسى كاسىپكەرلەرىنىڭ جو­بالارىن قارجىلاندىرۋعا باعىت­تايدى. ولاردىڭ ءبىر بولىگى قازىرگى بار زاەمداردى قايتا قارجى­لاندىرۋعا جۇمسالماق. سبەربانك تاماق ونەركاسىبىن نەسيەلەۋگە باسىمدىق بەرۋدى جوسپارلاپ وتىر. ءبىزدىڭ كليەنتتىك بازامىز بەن اعىمداعى قورجىنىمىز بۇل ترانش­تى ايتارلىقتاي شاپشاڭ يگەرۋگە مۇمكىندىك بەرەدى. كاسىپكەرلەر مەملەكەت قولداۋىنىڭ تيىمدىلىگىن مۇمكىندىگىنشە تەزىرەك سەزىنۋى ءتيىس. ءوز تاراپىمىزدان ءبىز بيزنەس­مەندەردى ءوز وتىنىشتەرىن بەلسەن­دىرەك بەرۋگە شاقىرامىز. ءبىز بۇل باعدارلامانىڭ شوب-تىڭ دامۋى­نا جاڭا سەرپىن بەرەتىنىنە جانە ەلدەگى كاسىپكەرلىكتىڭ جاڭا ساپالى دەڭگەيگە شىعۋىنا جاعداي تۋعىزاتىنىنا سەنىمدىمىز. قانات ەسكەندىر, «ەگەمەن قازاقستان».